నందమూరి హీరోల మల్టీస్టారర్ కోసం అభిమానులు ఆసక్తిగా ఎదురుచూస్తున్నారనే సంగతి తెలిసిందే. బాలయ్య, కళ్యాణ్ రామ్, ఎన్టీఆర్ కాంబినేషన్ లో కాకపోయినా ఎన్టీఆర్ కళ్యాణ్ రామ్ కాంబోలో సినిమా తెరకెక్కినా చూడాలని ఉందని అభిమానులు కోరుకుంటున్నారు. కళ్యాణ్ రామ్ బింబిసార ట్రైలర్ లాంఛ్ ఈవెంట్ లో బింబిసార పార్ట్2 లో జూనియర్ ఎన్టీఆర్ నటించే ఛాన్స్ ఉందని వెల్లడించారు. ఫ్రాంఛైజీలా బింబిసార తెరకెక్కనుండగా 2023 సంవత్సరం ఆగష్టు 23వ తేదీన బింబిసార2 రిలీజయ్యే ఛాన్స్ ఉందని కళ్యాణ్ రామ్ వెల్లడించారు.
అయితే ఎన్టీఆర్ ఇప్పటికే అధికారికంగా ప్రకటించిన కొరటాల శివ దర్శకత్వంలో తెరకెక్కే సినిమా షూటింగ్ ఎప్పుడు మొదలవుతుందో తెలీదు. ఈ సినిమాతో పాటు తారక్ ప్రశాంత్ నీల్ కాంబినేషన్ లో ఒక సినిమా, తారక్ బుచ్చిబాబు కాంబోలో ఒక సినిమా తెరకెక్కనుంది. అయితే ఎన్టీఆర్ వైపు నుంచి బింబిసార పార్ట్2 సినిమాకు సంబంధించి క్లారిటీ రావాల్సి ఉంది. ప్రస్తుతం ఎన్టీఆర్ వరుస ప్రాజెక్ట్ లతో బిజీగా ఉండటంతో ఈ ప్రాజెక్ట్ కు డేట్లు కేటాయించడం సులువైన విషయం కాదు.
మరోవైపు బింబిసార సంచలన విజయాన్ని సొంతం చేసుకుంటే మాత్రమే బింబిసార2 లో ఎన్టీఆర్ గెస్ట్ రోల్ లో అయినా నటించే అవకాశాలు ఉంటాయి. ఎన్టీఆర్ నటించాలంటే ఆ పాత్ర ఊహించని రేంజ్ లో ఉండాలి. బింబిసార1 విడుదలైన తర్వాత బింబిసార2 లో తారక్ ఉన్నారో లేదో క్లారిటీ వచ్చే ఛాన్స్ ఉంది. కళ్యాణ్ రామ్ సినీ కెరీర్ లోనే హైయెస్ట్ బడ్జెట్ తో ఈ సినిమా తెరకెక్కింది. దర్శకుడు వశిష్ట్ కళ్యాణ్ రామ్ నమ్మకాన్ని నిలబెట్టుకుంటారో లేదో చూడాల్సి ఉంది.
కళ్యాణ్ రామ్ ఈ సినిమాకు నిర్మాతగా కూడా వ్యవహరిస్తున్న సంగతి తెలిసిందే. కళ్యాణ్ రామ్ ఎంత మంచివాడవురా సినిమా తర్వాత కొంతకాలం గ్యాప్ తీసుకుని నటిస్తున్న సినిమా ఇదే కావడం గమనార్హం.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
