పవర్ స్టార్ పవన్ కళ్యాణ్ చేతిలో ప్రస్తుతం మూడు ప్రాజెక్ట్ లు ఉన్నాయి. హరిహర వీరమల్లు, వినోదాయ సిత్తమ్ రీమేక్, భవదీయుడు భగత్ సింగ్ సినిమాలలో పవన్ నటిస్తుండగా కొన్ని నెలల గ్యాప్ లోనే ఈ మూడు సినిమాలు థియేటర్లలో విడుదల కానున్నాయని సమాచారం అందుతోంది. వచ్చే ఏడాది ఈ సినిమాలు థియేటర్లలో రిలీజ్ కానున్నాయి. ఈ సినిమాలలో హరిహర వీరమల్లు సినిమా 50 శాతం షూటింగ్ పూర్తి కాగా మిగతా రెండు సినిమాల షూటింగ్ లు మొదలు కావాల్సి ఉంది.
అయితే పవన్ పుట్టినరోజున ఈ సినిమాలకు సంబంధించిన ఏవైనా అప్ డేట్స్ ఉంటాయా? లేదా? అని ఫ్యాన్స్ టెన్షన్ పడుతున్నారు. పవన్ కళ్యాణ్ నటించిన తమ్ముడు, జల్సా సినిమాలు రీరిలీజ్ కానుండటంతో పవన్ అభిమానులు సంతోషిస్తున్నా పవన్ కొత్త సినిమాలకు సంబంధించిన అప్ డేట్స్ వస్తాయో రావోనని పవన్ అభిమానులు ఒకింత టెన్షన్ పడుతున్నారు. అయితే హరిహర వీరమల్లు సినిమా నుంచి అప్ డేట్ రావచ్చని ఇండస్ట్రీ వర్గాల్లో వినిపిస్తోంది.
అయితే అధికారికంగా ఇందుకు సంబంధించిన ప్రకటన వెలువడాల్సి ఉంది. పవన్ సినిమాలన్నీ భారీ బడ్జెట్ తో తెరకెక్కుతున్నాయనే సంగతి తెలిసిందే. పవన్ కొత్త సినిమాల రిలీజ్ డేట్లకు సంబంధించిన ప్రకటనల కోసం ఫ్యాన్స్ ఆసక్తిగా ఎదురుచూస్తున్నారు. ప్రస్తుతం పవన్ ఒక్కో సినిమాకు 60 కోట్ల రూపాయల రేంజ్ లో రెమ్యునరేషన్ తీసుకుంటున్నారని సమాచారం అందుతోంది.
పవన్ కళ్యాణ్ కొత్త ప్రాజెక్ట్ లకు గ్రీన్ సిగ్నల్ ఇచ్చే ఛాన్స్ లేదని తెలుస్తోంది. 2024 ఎన్నికల తర్వాత పవన్ సినిమాల విషయంలో నిర్ణయం తీసుకునే ఛాన్స్ అయితే ఉంది. 2024 ఎన్నికల్లో పవన్ ఎమ్మెల్యేగా గెలిస్తే మాత్రం ఆయన సినిమాలకు దూరమైనా ఆశ్చర్యపోవాల్సిన అవసరం అయితే లేదు. పవర్ స్టార్ పవన్ కళ్యాణ్ అటు పొలిటికల్ గా ఇటు సినిమాలలో సక్సెస్ అయ్యే దిశగా అడుగులు వేస్తున్నారు.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
Home