టాలీవుడ్ సీనియర్ స్టార్ హీరోలకు ప్రేక్షకుల్లో ఏ స్థాయిలో ఫ్యాన్ ఫాలోయింగ్ ఉందో ప్రత్యేకంగా చెప్పాల్సిన అవసరం లేదు. చిరంజీవి, బాలకృష్ణ, వెంకటేశ్, నాగార్జునలకు ఈ జనరేషన్ యూత్ లో కూడా ఊహించని స్థాయిలో ఫ్యాన్ ఫాలోయింగ్ ఉంది. ఈ హీరోల సినిమాలు విడుదలై పాజిటివ్ టాక్ ను సొంతం చేసుకుంటే కలెక్షన్లు మామూలు రేంజ్ లో ఉండవనే సంగతి ప్రత్యేకంగా చెప్పాల్సిన అవసరం లేదు. సీనియర్ హీరోలలో కొంతమంది ప్రయోగాలు చేస్తున్నా ఫ్యాన్స్ మాత్రం ఈ హీరోలను ఒకే జానర్ సినిమాల్లో చూడటానికి ఇష్టపడుతున్నారని కామెంట్లు వ్యక్తమవుతున్నాయి.
మెగాస్టార్ చిరంజీవి రీఎంట్రీలో నటించిన సినిమాలలో ఖైదీ నంబర్ 150, వాల్తేరు వీరయ్య సినిమాలు ఎక్కువ మొత్తంలో లాభాలను అందించాయి. ఈ రెండు సినిమాలు కమర్షియల్ సినిమాలు కావడంతో పాటు చిరంజీవి అభిమానులకు నచ్చే అంశాలు ఈ సినిమాల్లో పుష్కలంగా ఉన్నాయి. ఈ రెండు సినిమాలలో కథ, కథనం కొత్తగా ఉండటంతో పాటు యాక్షన్ సీన్స్ ప్రేక్షకులకు నచ్చేలా ఉన్నాయి. మెగా ఫ్యాన్స్ చిరంజీవిని ఇలా చూడటానికి ఎక్కువగా ఇష్టపడుతున్నారు.
బాలయ్య విషయానికి వస్తే బాలయ్య సినిమాలలో బాలయ్య చెప్పే అద్భుతమైన డైలాగ్స్, అదిరిపోయే యాక్షన్ సీన్స్ ను ఫ్యాన్స్ ఇష్టపడుతున్నారు. బాలయ్య గత మూడు సినిమాలను గమనిస్తే ఈ విషయం అర్థమవుతుంది. సోగ్గాడే చిన్నినాయన, బంగార్రాజు తరహా పాత్రలలో నాగ్ ను చూడటానికి ఫ్యాన్స్ ఇష్టపడుతుండగా వెంకటేశ్ ఫ్యామిలీ కథాంశాలలో నటిస్తే బాగుంటుందని ఎఫ్2, ఎఫ్3 తరహా సినిమాలు వెంకీకి బాగా సూట్ అవుతాయని ఫ్యాన్స్ చెబుతున్నారు.
ఈ హీరోలు (Senior Heroes) కొత్త కథాంశాలను ఎంచుకున్నా తమకు నచ్చే అంశాలు మిస్ కాకుండా జాగ్రత్త పడాలని ఫ్యాన్స్ ఫీలవుతున్నారు. మరి ఈ హీరోలు రాబోయే రోజుల్లో ప్రేక్షకులను ఏ స్థాయిలో మెప్పిస్తారో చూడాల్సి ఉంది.
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!
