పవర్ స్టార్ పవన్ కళ్యాణ్ ఎప్పుడు, ఏ సినిమాను మొదలుపెడుతున్నారో ఎవరూ ఊహించలేకపొతున్నారు. ప్రస్తుతం ఆయన క్రిష్ దర్శకత్వంలో ‘హరిహర వీరమల్లు’ అనే సినిమాలో నటిస్తున్నారు. ఈ సినిమా కొత్త షెడ్యూల్ రామోజీ ఫిల్మ్ సిటీలో మొదలైనట్లు తెలుస్తోంది. దీని తరువాత 2024 ఎన్నికలకు ముందు మరో సినిమా చేస్తారా..? అనే విషయంలో క్లారిటీ లేదు. అయితే హరీష్ శంకర్ దర్శకత్వంలో ‘భవదీయుడు భగత్ సింగ్’ అనౌన్స్ అయి చాలా కాలమైన నేపథ్యంలో దాన్ని పట్టాలెక్కిస్తారని ఫ్యాన్స్ ఆసక్తిగా ఎదురుచూస్తున్నారు.
కానీ ఎన్నికల్లోపు ఈ సినిమాను పూర్తి చేయడం కష్టమని.. దానికి బదులు తక్కువ సమయంలో ఓ రీమేక్ చేసేద్దామని పవన్ చూస్తున్నారట. పవన్ కోసం ఇప్పటికే ఓ రీమేక్ ను సెట్ చేశారు త్రివిక్రమ్. అదే ‘వినోదయ సిత్తం’. ‘భీమ్లానాయక్’ మాదిరి ఈ రీమేక్ కి కూడా తెలుగులో కొన్ని మార్పులు చేసి, స్క్రిప్ట్ రెడీ చేసింది త్రివిక్రమ్ అనే సమాచారం. ఇందులో పవన్ కళ్యాణ్ దైవదూతగా కనిపించనున్నారు. హీరోగా సాయిధరమ్ తేజ్ కనిపిస్తారని వార్తలొచ్చాయి.
ఇదిలా ఉండగా.. ఈ రీమేక్ లో సరైన ఎలివేషన్స్, ఫ్యాన్ మూమెంట్స్ పెద్దగా ఉండవట. ‘గోపాల గోపాల’ టైప్ లో సాగే కథ అని తెలుస్తోంది. పైగా రీసెంట్ గా ‘వినోదయ సిత్తం’కి అనఫీషియల్ రీమేక్ గా వచ్చిన ‘థ్యాంక్ గాడ్’ సినిమాకి నెగెటివ్ టాక్ వచ్చింది. ఈ సినిమా చూసిన వారిలో ‘వినోదయ సిత్తం’ రీమేక్ పై మరింత వ్యతిరేకత పెరుగుతోంది.
ఈ సినిమా హిందీలో అయితే డిజాస్టర్ అయింది. దీంతో తెలుగులో ఈ రీమేక్ ప్రయత్నం మానుకుంటే బెటర్ అనే మాటలు వినిపిస్తున్నాయి. పవన్ ఫ్యాన్స్ అయితే సోషల్ మీడియా వేదికగా రిక్వెస్ట్ కూడా చేస్తున్నారు. మరేం జరుగుతుందో చూడాలి!
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
