రతన్ పూర్ తగలబడిపోయింది!

“సర్దార్ గబ్బర్ సింగ్” సినిమా కోసం దాదాపుగా 5 కోట్ల రూపాయలు వెచ్చించి వేయబడిన “రతన్ పూర్” సెట్ గుర్తుంది కదూ. దాదాపు 60% షూటింగ్ ఈ సెట్ లోనే జరిగింది. సినిమా రిజల్ట్ ఏమిటన్నది పక్కనపెడితే.. “రతన్ పూర్” సెట్ కు మాత్రం మంచి పేరొచ్చింది.

అయితే.. ఆదివారం ఈ సెట్ కు నిప్పంటుకొని కొంతమేర దగ్ధమైందట. హైదరాబాద్ లోని బూత్ బంగ్లాలో వేయబడిన ఈ సెట్ లో నిప్పులు చెలరేగడంతో.. అప్పటికప్పుడు ఫైర్ డిపార్ట్ మెంట్ వారు హుటాహుటిన వచ్చి మంటలను అదుపు చేయగలిగారు. సెట్ కు నిప్పంటుకోవడానికి కారణం ఏంటొ సరిగా తెలియకపోయినప్పటికీ.. పక్కన కొత్తగా వేస్తున్న సెట్లో వెల్డింగ్ వాళ్ళ రేగిన నిప్పురవ్వలు ఈ ప్రమాదానికి కారణమని అక్కడివారు చెబుతున్నారు.