ఆచార్యలో ఇంతమంది హీరోయిన్లు ఎందుకయ్యా కొరటాలా ?

July 23, 2020 / 08:00 AM ISTByFilmy Focus

Join Us

ఆచార్యలో ఇంతమంది హీరోయిన్లు ఎందుకయ్యా కొరటాలా ?

మెగాస్టార్ చిరంజీవికి ఇప్పుడు సరిగ్గా 64 ఏళ్ళు. వచ్చే నెల 65వ ఏటలోకి దూకడానికి రెడీగా ఉన్నారాయన. అయితే.. ఆయన నటిస్తున్న తాజా చిత్రం “ఆచార్య”లో ఏకంగా అయిదుగురు హీరోయిన్లు కనిపించనుననరనే వార్త హల్ చల్ చేస్తోంది. ఆల్రెడీ కాజల్ కథానాయికగా నటిస్తున్న ఈ చిత్రంలో రెజీనా ఒక స్పెషల్ సాంగ్ చేసింది. కీయారా అద్వానీ ఓ ముఖ్యపాత్రలో కనిపించనుంది. ఈ ముగ్గురూ సరిపోరన్నట్లు ఇప్పుడు తాజాగా పాయల్, ప్రగ్యా జైస్వాల్ లు కూడా ఈ చిత్రంలో నటించనున్నారని గుసగుసలు వినిపిస్తున్నాయి.

ఆల్రెడీ చిరంజీవి, రామ్ చరణ్ లాంటి పెద్ద స్టార్లు ఈ చిత్రంలో ఉండగా.. ఇంతమంది హీరోయిన్లు సినిమాలో ఎందుకు అనే అనుమానం పక్కన పెడితే.. చిరంజీవి సినిమాలో అయిదుగురు అందాల భామలు కనిపించనుండడం చర్చనీయాంశం అయ్యింది. ఇకపోతే.. ఆగస్ట్ రెండోవారం నుంచి రామోజీ ఫిలిమ్ సిటీలో షూటింగ్ చేసేందుకు కొరటాల ఇటీవలే మెగాస్టార్ ను ఒప్పించారు. తక్కువ మంది క్యాస్టింగ్ అవసరమున్న సీన్స్ మాత్రమే ఈ షెడ్యూల్లో షూట్ చేసేలా ప్లాన్ చేస్తున్నాడు కొరటాల. ఎట్టకేలకు ఆచార్య షూటింగ్ మళ్ళీ మొదలవ్వానుందన్నమాట.

మరి కాజల్ ఈ షూటింగ్ లో పాల్గొంటుందా లేదా అనేది తెలియాల్సి ఉండగా.. ఈ షెడ్యూల్లోనే చిరంజీవి, చరణ్ కాంబినేషన్ సీన్స్ కూడా తీసే అవకాశాలున్నాయని వినికిడి. లాక్ డౌన్ & కరోనా ఎఫెక్ట్ తర్వాత రెగ్యులర్ షూటింగ్ స్టార్ట్ చేసుకొనున్న పెద్ద సినిమా ఆచార్య కావడం విశేషం.