Ram Charan: రామ్‌ చరణ్‌పై ప్రశంసలు కురిపించిన ఫ్రెంచ్‌ హీరో.. ఏమన్నాడంటే?

‘ఆర్‌ఆర్‌ఆర్‌’ (RRR) సినిమా దేశం మొత్తం మీదే కాదు.. ప్రపంచవ్యాప్తంగా భారీ వసూళ్లు సంపాదించింది. అంతేకాదు.. అందులో నటించిన రామ్‌చరణ్‌ (Ram Charan), ఎన్టీఆర్‌కు(Jr NTR) కూడా ప్రపంచస్థాయిలో ప్రశంసలు దక్కుతున్నాయి. సినిమా వచ్చి ఇన్నాళ్లయినా ఇంకా ఆ సినిమా గురించి, హీరోల గురించి విదేశీ నటులు మాట్లాడుతూనే ఉన్నారు. తాజాగా ఓ ఫ్రెంచ్‌ హీరో రామ్‌చరణ్‌ గురించి ఓ ఇంటర్వ్యూలో గొప్పగా మాట్లాడాడు. ఆ వీడియో ఇప్పుడు సోషల్‌ మీడియాలో వైరల్‌గా మారింది. ఫ్రెంచ్‌ హీరో లూకాస్ బ్రావో ఇటీవల ఓ మీడియాకు ఆన్‌లైన్‌లో ఇంటర్వ్యూ ఇచ్చాడు. ఈ క్రమంలో భారతీయ సినిమా ప్రస్తావనకు వచ్చింది.

Ram Charan

అప్పుడు ‘నాకు ఆ హీరో పేరు సరిగ్గా గుర్తు రావడం లేదు.. కానీ ‘ఆర్‌ఆర్‌ఆర్‌’ సినిమాలో అతని నటన అద్భుతం’ అంటూ స్టార్ట్‌ చేశాడు. దీంతో ఇంటర్వ్యూ హోస్ట్‌.. పేరు గుర్తు చేసే ప్రయత్నం చేశారు. దానికి లూకాస్‌ మిలటరీలో ఉంటాడు అని చెప్పగా.. రామ్‌చరణ్‌ అని గుర్తు చేశారు. అప్పుడు లూకాస్‌ మాట్లాడుతూ ‘ఆర్‌ఆర్‌ఆర్‌’లో రామ్‌ చరణ్‌ నటన అద్భుతం. ఎంట్రీ సీన్‌, ఎమోషనల్‌ సన్నివేశాల్లో బాగా నటించారు. యాక్షన్‌ సీక్వెన్స్‌లలోనూ అదరగొట్టాడు అని ప్రశంసించాడు.

దీంతో ఆయన మాటలు ఇప్పుడు సోషల్‌ మీడియాలో వైరల్‌గా మారాయి. మరోవైపు ఫ్యాన్‌వార్‌ సృష్టించే కొంతమంది ఔత్సాహికులు దానిని వేరేలా అన్వయించడం మొదలుపెట్టారు. ఇక రాజమౌళి (S. S. Rajamouli) దర్శకత్వంలో రామ్‌చరణ్‌, ఎన్టీఆర్‌ కథానాయకులుగా రూపొందిన సినిమానే ఈ ‘ఆర్‌ఆర్‌ఆర్‌’. భారీ బడ్జెట్‌తో 2022లో వచ్చిన ఈ సినిమా బాక్సాఫీస్‌ దగ్గర రూ.1300 కోట్లకు పైగా వసూళ్లను రాబట్టింది. ఆస్కార్‌ అవార్డుల్లో ‘నాటు నాటు..’ పాటతో సత్తా చాటిన సంగతి తెలిసిందే.

ఇక ఇప్పుడు రామ్‌చరణ్‌ ‘గేమ్‌ ఛేంజర్‌’ (Game changer) పనుల్లో బిజీగా ఉన్నాడు. ఆ తర్వాత బుచ్చిబాబు సానాతో (Buchi Babu Sana) ఓ సినిమా, సుకుమార్‌తో మరో సినిమ చేయాల్సి ఉంది. ఇప్పటికే బుచ్చిబాబు సినిమా మొదలవుతుంది అని వార్తలొచ్చినా.. ఇంకా షూటింగ్‌ స్టార్ట్‌ కాలేదు. ‘గేమ్‌ ఛేంజర్‌’ అయితే డిసెంబరులో వస్తుంది అంటున్నారు.