Game Changer Teaser: ‘గేమ్ ఛేంజర్’ టీజర్ వచ్చేసింది.. ఎలా ఉందంటే?

మెగా పవర్ స్టార్ రాంచరణ్ (Ram Charan) హీరోగా శంకర్ (Shankar) దర్శకత్వంలో తెరకెక్కుతున్న ‘గేమ్ ఛేంజర్’ (Game Changer)  సినిమా కోసం మెగా అభిమానులు మాత్రమే కాకుండా యావత్ సినీ ప్రేక్షకులు ఎంతో ఆసక్తిగా ఎదురుచూస్తున్నారు. ‘శ్రీ వెంకటేశ్వర క్రియేషన్స్’ బ్యానర్ పై దిల్ రాజు ఈ చిత్రాన్ని నిర్మించారు. దిల్ రాజు (Dil Raju) బ్యానర్లో రూపొందిన 50వ సినిమా ఇది. ఈ సినిమా కోసం మెగా అభిమానులు 3 ఏళ్లుగా ఎదురుచూస్తున్నారు. మొదటి నుండి అప్డేట్స్ వంటివి ఇవ్వకుండా..

Game Changer Teaser:

చరణ్ ఫ్యాన్స్ ని ఇబ్బంది పెట్టారు శంకర్ అండ్ టీం సభ్యులు. మొత్తానికి 2025 సంక్రాంతి కానుకగా జనవరి 10న ఈ చిత్రాన్ని విడుదల చేస్తున్నట్టు మేకర్స్ ప్రకటించారు. ఇక టీజర్ లాంచ్ వేడుకను లక్నోలో ప్లాన్ చేసిన సంగతి తెలిసిందే. కొద్దిసేపటి క్రితం ‘గేమ్ ఛేంజర్’ టీజర్ ను యూట్యూబ్లో విడుదల చేసింది చిత్ర బృందం. ఇక ఈ టీజర్ విషయానికి వస్తే.. ఇది 1:30 నిమిషాల నిడివి కలిగి ఉంది. ‘బేసిక్ గా రామ్ అంత మంచోడు ఉండడు..

కానీ కోపం వస్తే వాడంత చెడ్డోడు ఇంకొక్కడు ఉండడు’ వంటి డైలాగ్ తో రాంచరణ్ పాత్రని పరిచయం చేశారు. ఈ టీజర్లో రాంచరణ్ 3 డిఫరెంట్ లుక్స్ లో కనిపించాడు. టీజర్ చాలా గ్రాండ్ గా ఉంది. హై టెక్నికల్ వాల్యూస్ కనిపించాయి. లుంగీతో రాంచరణ్ చేసే ఫైట్ సీన్ సినిమాలో హైలెట్ అయ్యేలా ఉంది. ఎస్.జె.సూర్య  (SJ Suryah) శ్రీకాంత్‌ (Srikanth)   , సునీల్ (Sunil) , జయరాం (Jayaram) , హీరోయిన్ కియారా అద్వానీ(Kiara Advani) .. వంటి వారు కనిపించారు. నేపధ్య సంగీతం ఓకే. టీజర్ ను మీరు కూడా ఓ లుక్కేయండి :

‘పుష్ప 2’ రిమార్క్ తొలగాలి అంటే దేవికి అది తప్పదు !