GOAT Review in Telugu: గోట్ సినిమా రివ్యూ & రేటింగ్!

దీంతో సార్.. బాబ్జికి అలాగే అతని మనుషులకి టార్గెట్ అవుతాడు. ఆ తర్వాత వాళ్ల బారి నుండి సార్ ఎలా తప్పించుకున్నాడు? హిట్లర్ గణ అలియాస్ గణపతి రాజుకి, సార్‌కి ఉన్న సంబంధం ఏంటి? రుద్రవరం ఊరి పెద్ద కృష్ణంరాజుతో(సర్వదామన్ బెనర్జీ) సార్‌కి ఉన్న లింక్ ఏంటి? ఈ ప్రశ్నలకి సమాధానమే మిగిలిన సినిమా.

నటీనటుల పనితీరు: సుడిగాలి సుధీర్ అలియాస్ సుధీర్ ఆనంద్ ఈ సినిమాలో రెండు రకాల షేడ్స్ కలిగిన పాత్రలో కనిపించాడు. బాగానే చేశాడు. కాకపోతే ఈ సబ్జెక్ట్ అతని ఇమేజ్ కి హెవీ అయిపొయింది. అందుకోసమే బలవంతంగా ‘జబర్దస్త్’ స్టైల్లో కామెడీ జోడించారు. అది ఇతని పాత్రని ఎలివేట్ చేయడానికి కానీ, కథని ముందుకు తీసుకెళ్లడానికి కానీ అస్సలు పనికిరాలేదు. దివ్య భారతి తొలి చిత్రంతోనే మంచి పాత్ర దక్కించుకుంది. కొన్ని సన్నివేశాల్లో ఈమె లుక్స్ బాగున్నాయి, పాత్రలో డెప్త్ కూడా ఉంది. కానీ ఈమె ఎక్స్‌ప్రెషన్స్ సరిగా పలికించలేకపోయింది.

ఎమోషనల్ సన్నివేశాల్లో చాలా ఇబ్బంది పడింది. మొట్టై రాజేంద్రన్ ప్రశాంత్ పాత్రలో కనిపించాడు. అతని పాత్రతో చేయించిన కామెడీ కొంత రిలీఫ్ ఇస్తుంది. ఆయన కూడా బాగా చేశాడు. బ్రహ్మాజీ, 30 ఇయర్స్ పృథ్వీ పాత్రలు క్యామియోలని తలపించాయి. సర్వదామన్ బెనర్జీ చేసిన తాతయ్య పాత్ర చాలా రెగ్యులర్‌గా, బోరింగ్‌గా అనిపిస్తుంది. నితిన్ ప్రసన్న చేసిన విలన్ పాత్ర పండలేదు. కానీ విలన్‌గా అతని లుక్ మాత్రం బాగుంది.

సాంకేతిక నిపుణుల పనితీరు: వేద వ్యాస్ ఆకుల తీసుకున్న పాయింట్ మీనింగ్‌ఫుల్‌గా ఉంది. ‘సిగరెట్, మద్యం సేవిస్తే.. వారి ప్రాణాలకి మాత్రమే ముప్పు. కానీ జూదం వల్ల కుటుంబాలే నాశనమైపోతాయి’ అనే సెన్సిబుల్ అండ్ రిలేటబుల్ పాయింట్‌ను అతను ఈ సినిమా ద్వారా చెప్పే ప్రయత్నం చేశాడు.అయితే ఇలాంటి పాయింట్‌ను మ్యాగ్జిమమ్ సీరియస్‌గా చెప్పాలి, లేదా లైటర్ వేన్‌లో చెప్పాలి. కానీ, ఈ సినిమా స్క్రీన్‌ప్లే అటు ఇటు కాకుండా ఉంది.

హీరో ఇమేజ్ కారణంగానో, లేక ఎవరైనా బలవంతంగా మార్పులు కోరారో ఏమో కానీ.. స్క్రీన్‌ప్లే మొత్తం అర్థరహితంగా ఉందనే ఫీలింగ్ ఇస్తుంది. ‘అయినా సుధీర్ సినిమాలో ఈ మాత్రం సబ్జెక్ట్ ఉంటే ఎక్కువేలే’ అని ఓపిగ్గా కూర్చునే వారిని సైతం ఈ సినిమా సంతృప్తి పరచదు. ఫస్ట్ హాఫ్‌లో కామెడీ కొంతవరకు పర్వాలేదు అనిపిస్తుంది. కానీ సెకండాఫ్‌లో.. అదీ ప్రీ-క్లైమాక్స్‌లో సినిమా అయిపోతుంది అనుకున్న టైంలో మెయిన్ ప్లాట్ వస్తుంది. అనవసరమైన యాక్షన్ ఎపిసోడ్స్ జోడించి దానిని కిచిడీ కిచిడీ చేశారు. ఈ సినిమాకి నిర్మాత గట్టిగా ఖర్చు చేశాడు.

సుధీర్ మార్కెట్‌కి మూడింతలు పెట్టేశాడు. చాలా చోట్ల నిర్మాత పెట్టిన ఖర్చు కనిపిస్తుంది. అయితే, సెకండాఫ్‌లో చాలా భాగం సుధీర్ నటించినట్టు అనిపించదు. ఏఐతో మమ అనిపించేసిన ఫీలింగ్ కలుగుతుంది. లియోన్ జేమ్స్ సంగీతంలో రూపొందిన పాటలు బాగానే ఉన్నాయి. ‘ఓడియమ్మా’ సాంగ్ వినడానికి బాగుంది. మణిశర్మ సమకూర్చిన బ్యాక్‌గ్రౌండ్ స్కోర్ ఓ‌కే. సినిమాటోగ్రఫీ ఓకే. ఎడిటింగ్ మాత్రం బాలేదు. సెకండాఫ్‌లో చాలా పోర్షన్ కట్ చేసే అవకాశం ఉన్నా, ఆ స్టెప్ తీసుకోలేదు.

విశ్లేషణ: 2 ఏళ్ల క్రితం విడుదల కావాల్సిన సినిమా, 10 ఏళ్ల క్రితం వచ్చినా అవుట్-డేటెడ్ అనిపించే కథనం.. కలగలిపిన ఈ ‘గోట్’.. థియేటర్లలో చూసే ప్రేక్షకుల సహనానికి పరీక్ష పెడుతుంది. ఓటీటీ ఆడియన్స్‌ను సంతృప్తిపరిచే ఎలిమెంట్స్ ఫస్ట్ హాఫ్‌లో కొన్ని ఉన్నాయి. సెకండాఫ్ కూడా అలా ఉండి ఉంటే.. ఈ సినిమాకి కనీసం అక్కడి ప్రేక్షకులనైనా అలరించేది.

ఫోకస్ పాయింట్: మీనింగ్‌ఫుల్‌ కాన్సెప్ట్ వేస్ట్ అయిపోయింది.

రేటింగ్: 1.5/5