ఈ సంక్రాంతికి ‘క్రాక్’ చిత్రంతో బ్లాక్ బస్టర్ కొట్టి మళ్ళీ ఫామ్లోకి వచ్చాడు దర్శకుడు గోపిచంద్ మలినేని. వరుస ప్లాపులతో సతమతమవుతున్న రవితేజతో ఓ కంప్లీట్ మాస్ సినిమా తీస్తే ఏ రేంజ్ అవుట్ పుట్ ఉంటుందనే విషయాన్ని మరోసారి నిరూపించాడు ఈ యంగ్ డైరెక్టర్.ఓ పవర్ ఫుల్ పోలీస్ ఆఫీసర్ కథను చాలా ఎంగేజింగ్ గా బోర్ కొట్టకుండా ప్రెజెంట్ చెయ్యడమంటే మాటలు కాదు. ఎందుకంటే పోలీస్ బ్యాక్ డ్రాప్ లో వచ్చే కథలు దాదాపు రొటీన్ అయిపోయాయి కాబట్టి..!
అయినప్పటికీ పోతరాజు వీర శంకర్ క్యారెక్టర్ ను గోపి డీల్ చేసిన విధానం బాగుంది. అందుకే ఇతనితో మెగాస్టార్ చిరంజీవి సినిమా చెయ్యడానికి రెడీ అయ్యారట. కానీ అందులో ఓ మెలిక కూడా ఉంది..! తమిళంలో అజిత్ హీరోగా గౌతమ్ మీనన్ డైరెక్షన్లో వచ్చిన సూపర్ హిట్ మూవీ ‘ఎన్నై ఆరిందాల్’ ను చిరు రీమేక్ చెయ్యాలని భావిస్తున్నారట. నేను చెప్పిన మెలిక ఏంటంటే.. ఈ చిత్రం తెలుగులో ‘ఎంత వాడు గాని’ పేరుతో డబ్ అయ్యింది కూడా..!
అయినప్పటికీ చిరు ఈ చిత్రాన్ని కొన్ని మార్పులు చేసి రీమేక్ చెయ్యాలనుకుంటున్నారట. అందుకు స్క్రిప్ట్ రెడీ చెయ్యమని ‘క్రాక్’ దర్శకుడు గోపీచంద్ మలినేనిని చిరు కోరినట్టు తెలుస్తుంది. అనుకోకుండా వచ్చిన ఆఫర్.. కానీ రీమేక్ కు స్క్రిప్ట్ రెడీ చెయ్యడమంటే మాటలు కాదు.. అందులోనూ తెలుగులో డబ్ అయిన సినిమాకి..అంటే అబ్బో చాలా కష్టం సుమీ..! అందుకే చిరు ఆఫర్ కు యెస్ అని చెప్పలేక.. నో అని చెప్పలేక గోపి సతమతమవుతున్నట్టు టాక్.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
