Gorre Puranam Review in Telugu: గొర్రె పురాణం సినిమా రివ్యూ & రేటింగ్!

నటీనటుల పనితీరు: కరెక్ట్ గా ఇంటర్వెల్ కార్డ్ తో తెరపై కనిపించే సుహాస్ కోనిపించే కొద్దిసేపు ఆకట్టుకునే ప్రయత్నం చేశాడు కానీ.. అతడి క్యారెక్టర్ కు సరైన జస్టిఫికేషన్ లేకపోవడం వల్ల పాత్ర పండలేదు. జడ్జ్ పాత్రలో పోసాని తన రెగ్యులర్ యాక్టింగ్ తో కానిచ్చేయగా, రఘు కారుమంచి కనిపించిన కొద్దిసేపు కాస్త నవ్వించే ప్రయత్నం చేశాడు. ఇక రాము అలియాస్ ఏసుగా కనిపించిన గొర్రె అందరికంటే ఎక్కువ స్క్రీన్ స్పేస్ తీసుకుంది. ఈ గొర్రె పాత్ర ద్వారా చాలా చెప్పాలనుకున్నాడు దర్శకుడు కానీ.. అది సరిగా వర్కవుట్ అవ్వలేదు.

సాంకేతికవర్గం పనితీరు: సినిమాటోగ్రాఫర్ ఒక్కడే కాస్త కష్టపడ్డాడు. గొర్రెను ఫ్రేమ్ లో ఇరికించడానికి, ఆ గొర్రె చుట్టూ లైటింగ్ సెట్ చేయడానికి చాలా కష్టపడ్డాడు. ఉన్నంతలో మంచి అవుట్ పుట్ ఇచ్చింది సినిమాటోగ్రాఫర్ సురేష్ సారంగం ఒక్కడే. పవన్ సీహెచ్ సంగీతం కానీ, ప్రొడక్షన్ డిజైన్ కానీ, ఆర్ట్ వర్క్ కానీ చెప్పుకోదగ్గ విధంగా లేవు.

దర్శకుడు బాబీ వర్మ ఒక మంచి కాన్సెప్ట్ ను తీసుకున్నాడు కానీ దాన్ని డీల్ చేసిన విధానం మాత్రం ఏమాత్రం ఆకట్టుకోలేకపోయింది. ముఖ్యంగా మీడియా, ప్రభుత్వం, వ్యవస్థ మీద వేసిన వ్యంగ్యాస్త్రాలు ఏమాత్రం పేలలేదు. సో, దర్శకుడిగా, కథకుడిగా బాబీ వర్మ విఫలమయ్యాడు.

విశ్లేషణ: వ్యంగ్యం అనేది ఒక అద్భుతమైన అస్త్రం. ఎంతటి సీరియస్ అంశాన్నైనా సరే వ్యంగ్యంగా చెప్పొచ్చు. ఈవీవీ సత్యనారాయణ ఈ వ్యంగ్యాన్ని వైవిధ్యంగా ఆయన సినిమాల్లో వాడేవారు. “గొర్రె పురాణం” సినిమాలో కూడా ఒక సీరియస్ విషయాన్ని వ్యంగ్యంగా సమాజం, మీడియా, కోర్టులు, ప్రభుత్వాలు భుజాలు తడుముకునే స్థాయిలో తెరకెక్కించాలనుకున్నాడు దర్శకుడు బాబీ వర్మ, కానీ వ్యంగ్యం అనేది అర్థవంతంగా మాత్రమే కాదు అలరించే విధంగానూ ఉండాలీ అనే విషయాన్ని విస్మరించాడు. అయితే.. ఓ గొర్రెను కథాగమనానికి కేంద్రబిందువుగా తెరకెక్కించడం అనేది మెచ్చుకోవాల్సిన విషయం. కాకపోతే.. ఆ ఎస్టాబ్లిష్మెంట్ కోసం కాస్త ఎక్కువ సమయం తీసుకున్నారు. సుహాస్ క్యారెక్టర్ బ్యాక్ స్టోరీని ఇంకాస్త ఎమోషనల్ గా కనెక్ట్ అయ్యే విధంగా తెరకెక్కించి ఉంటే బాగుండేది. ఓవరాల్ గా.. ఈ గొర్రె పురాణం ఆలోచింపజేయాలనే మంచి ఉద్దేశంతో రూపొందిన ప్రయోగాత్మక చిత్రం.

ఫోకస్ పాయింట్: ఈ పురాణంలో చాలా పేజీలు మిస్సింగ్!

రేటింగ్: 2/5