నాగ్ అశ్విన్ ఆలోచనలు చాలా విచిత్రంగా ఉంటాయి అంటారు. గతంలో ఆయన చేసిన సినిమాలు, ఎంచుకున్న కథలు, రాసుకున్న స్క్రీన్‌ ప్లే, చూపించిన విధానం… ఇలా ఏదీ ఒకేలా ఉండవు. ఆ మాటకొస్తే సగటు మనిషి ఊహించినట్లుగా ఉండవు. అలాంటి వ్యక్తి ఇప్పుడు ఇటీవల కాలంలో ఎవరూ టచ్‌ చేయని అంశాలతో, స్టార్ నటుల్ని తీసుకొని సినిమా చేస్తున్నారు. అదే ‘కల్కి 2898 ఏడీ’. ఈ సినిమా గురించి ఓ స్పెషల్ వీడియోను తాజాగా విడుదల చేశారు.
‘కల్కి’ సినిమా కోసం ప్రత్యేకంగా సెట్స్‌ వేస్తున్నారు అని మనకు తెలుసు. గతంలోనే ఈ విషయం చెప్పేశారు. అయితే ఈ సినిమాలో వాడే చాలా వస్తువులను ఈ సినిమా కోసమే ప్రత్యేకంగా డిజైన్‌ చేయిస్తున్నారు. ఈ మేరకు గతంలో కొన్ని వీడియోలు రిలీజ్‌ చేసింది టీమ్‌. అయితే ఎందుకో కానీ మధ్యలో ఆ ప్రచారం ఆపేశారు. అయితే ఇప్పుడు ‘సలార్‌’ వచ్చేయడంతో తిరిగి ప్రచారం షురూ చేశారు. అందులో భాగంగా ‘గన్ను’ల వీడయోను రిలీజ్‌ చేశారు.
వైజయంతి మూవీస్ బ్యానర్‌లో రూ.600 కోట్లకుపైగా బడ్జెట్ అశ్వనీదత్ నిర్మిస్తున్న చిత్రం ‘కల్కి’. ఈ సినిమాను తన అల్లుడు నాగీనే తెరకెక్కిస్తున్నారు. ఇప్పటికే 80 శానికిపైగా షూటింగ్ కంప్లీట్ చేసుకున్న ఈ సినిమా… నుండి ఆసక్తికర వీడియో వచ్చింది. పురాణ ఆయుధాలకు టేలెస్ట్ టెక్నాలజీ తోడైతే ఎలా ఉంటుంది అనే కాన్సెప్ట్‌లో ఈ సినిమాలో గన్స్‌ వాడుతున్నారని ఆ వీడియో చూస్తే అర్థమవుతుంది.
పురాణాలు, సైన్స్‌ను కలిపి ఈ సినిమాను తెరకెక్కిస్తున్నట్లు దర్శకుడు నాగ్ అశ్విన్ ఇప్పటికే తెలిపారు. పురాణాల్లో ఎన్నో పవర్‌ఫుల్‌ ఆయుధాలు ఉన్నాయని, వాటికి టెక్నాలజీ కలిస్తే ఎలా ఉంటుందో ఈ సినిమాలో చూడొచ్చు అని టీమ్‌ చెబుతోంది. శ్రీమహా విష్ణువు వాడిన ఆయుధాల్లాంటి వాటికి ఆధునిక హంగులతో మార్పులు చేసి సినిమా కోసం వాడారు. మార్పులు చేసినట్లు కనిపిస్తోంది. ఇక ఈ సినిమా ట్రైలర్‌ను మరో మూడు నెలల తర్వాత విడుదల చేస్తారట. అప్పుడే రిలీజ్‌ డేట్ తెలియొచ్చు.
డెవిల్ సినిమా రివ్యూ & రేటింగ్!
బబుల్ గమ్ సినిమా రివ్యూ & రేటింగ్!
‘ఖైదీ నెంబర్ 786’ టు ‘ఠాగూర్’.. తెలుగులో రీమేక్ అయిన విజయ్ కాంత్ సినిమాల లిస్ట్..!
Home