టాలీవుడ్ సూపర్ స్టార్ మహేష్ బాబు హీరోగా మాటల మాంత్రికుడు త్రివిక్రమ్ దర్శకత్వంలో ‘అతడు’ ‘ఖలేజా’ వంటి క్లాసిక్ తర్వాత రాబోతున్న సినిమా ‘గుంటూరు కారం’. ‘హారిక అండ్ హాసిని క్రియేషన్స్’ బ్యానర్ పై ఎస్.రాధాకృష్ణ ఈ చిత్రాన్ని ఎంతో ప్రతిష్టాత్మకంగా నిర్మించారు. శ్రీలీల హీరోయిన్ గా నటించగా సెకండ్ హీరోయిన్ గా మీనాక్షి చౌదరి నటించింది. ప్రకాష్ రాజ్, రమ్యకృష్ణ.. వంటి అగ్ర నటీనటులు ఈ సినిమాలో కీలక పాత్రలు పోషిస్తున్నారు.
తమన్ సంగీతంలో రూపొందిన పాటలు ‘ధమ్ మసాలా’ పర్వాలేదు అనిపించినా, ‘ఓ మై బేబీ’ ‘కుర్చీ మడతపెట్టి’ వంటి పాటలు సో సో గానే రెస్పాన్స్ ను అందుకున్నాయి. మరోపక్క ‘గుంటూరు కారం’ ప్రమోషన్స్ పెద్ద జోరుగా అయితే జరగడం లేదు. అయితే తాజాగా సెన్సార్ కార్యక్రమాలు పూర్తిచేసుకుంది ఈ సినిమా. సెన్సార్ వారు ఈ చిత్రాన్ని వీక్షించాక యు/ఎ సర్టిఫికెట్ ను జారీ చేసినట్లు తెలుస్తుంది. ‘గుంటూరు కారం’ రన్ టైం వచ్చేసి 2 గంటల 39 నిమిషాలుగా ఉందట.
ఇక ఈ సినిమా విషయానికి వస్తే.. ఇది అవుట్ అండ్ అవుట్ మాస్ ఎంటర్టైనర్ అని, ఫుల్ ఫ్యాన్స్ స్టఫ్ ఉంటుందని అంటున్నారు. అలాగే ఫ్యామిలీ ఎలిమెంట్స్ కూడా మిస్ అవ్వలేదట. క్లైమాక్స్ చాలా ఎమోషనల్ గా సాగుతుందని అంటున్నారు. మొత్తంగా ‘గుంటూరు కారం’ (Guntur Kaaram) మాస్ హిట్ అనిపించుకుంటుంది అని అంతా భావిస్తున్నారు. అది ఎంతవరకు నిజమో జనవరి 12 కి తెలుస్తుంది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home