పవర్ స్టార్ పవన్ కళ్యాణ్ హీరోగా క్రిష్ డైరెక్షన్ లో తెరకెక్కుతున్న హరిహర వీరమల్లు సినిమాపై భారీగా అంచనాలు నెలకొన్న సంగతి తెలిసిందే. పాన్ ఇండియా మూవీగా భారీ బడ్జెట్ తో తెరకెక్కుతున్న ఈ సినిమాలో నిధి అగర్వాల్ హీరోయిన్ గా నటిస్తున్నారు. కరోనా వైరస్ విజృంభణ కొనసాగుతున్నా త్వరలో ఈ సినిమా షూటింగ్ ను మొదలుపెట్టాలని దర్శకనిర్మాతలు భావిస్తున్నారు. పవన్ వచ్చే నెల నుంచి ఈ సినిమా షూటింగ్ లో పాల్గొననున్నారు.
దేశంలో కరోనా కేసులు రోజురోజుకు తగ్గుతున్న నేపథ్యంలో అతి త్వరలో దేశంలో సాధారణ పరిస్థితులు ఏర్పడే అవకాశాలు అయితే ఉన్నాయి. అయితే పవన్ కళ్యాణ్ హరిహర వీరమల్లు నిర్మాత ఏఎం రత్నంను ఒక విషయంలో రిక్వెస్ట్ చేశారని తెలుస్తోంది. షూటింగ్ లో పాల్గొనే ఏ ఒక్కరికీ ఇబ్బంది కలగకుండా ఏర్పాట్లు చేయాలని, సెట్ లో ఉండే ప్రతి ఒక్కరి ఆరోగ్యం విషయంలో కేర్ తీసుకోవాలని పవన్ నిర్మాతకు సూచనలు చేసినట్టు సమచారం.
ఈ సినిమాకు స్టార్ మ్యూజిక్ డైరెక్టర్ కీరవాణి సంగీతం అందిస్తుండగా హిస్టారికల్ చిత్రంగా ఈ సినిమా తెరకెక్కనుంది. ఇప్పటికే ఈ సినిమా షూటింగ్ 50 శాతం పూర్తి కాగా మిగిలిన 50 శాతం షూటింగ్ పూర్తి కావాల్సి ఉంది. వచ్చే ఏడాది సంక్రాంతి కానుకగా ఈ సినిమా రిలీజ్ కావాల్సి ఉండగా ఆ డేట్ కు ఈ సినిమా రిలీజ్ కావడం కష్టమేనని తెలుస్తోంది. మరోవైపు ఆర్ఆర్ఆర్ సినిమా సంక్రాంతికి వాయిదా పడిందని హరిహర వీరమల్లు డేట్ కు ఆర్ఆర్ఆర్ అవకాశాలు ఉన్నాయని ఇండస్ట్రీ వర్గాల్లో ప్రచారం జరుగుతుండటం గమనార్హం.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
