‘హరిహర వీరమల్లు’ (Hari Hara Veera Mallu) పవన్ కళ్యాణ్ (Pawan Kalyan) 27 వ సినిమాగా మొదలైంది. దాని తర్వాత ప్రారంభమైన ‘భీమ్లా నాయక్’ (Bheemla Nayak) ‘బ్రో’ (BRO) వంటి సినిమాలు రిలీజ్ అయ్యి చాలా కాలం అయ్యింది. ‘ఓజీ’ (OG) సినిమా షూటింగ్ కూడా 80 శాతం కంప్లీట్ అయ్యింది. ‘ఉస్తాద్ భగత్ సింగ్’ (Ustaad Bhagat Singh) సైతం 40 శాతం షూటింగ్ ను కంప్లీట్ చేసుకుంది. కానీ పవన్ ఎందుకో ‘హరిహర వీరమల్లు’ ని పట్టించుకోలేదు. ఎన్నికల టైం కాబట్టి.. మే 11 వరకు పవన్ బిజీగా ఉంటారు.
ఆ తర్వాత కొద్ది రోజులు గ్యాప్ తీసుకునే ఛాన్స్ ఉంది. జూన్ 4 టైంకి ఫలితాలు వచ్చేస్తాయి. కాబట్టి.. జూన్ చివరి వారంలో మళ్ళీ షూటింగ్లకి హాజరయ్యే ఛాన్స్ ఉంది. ఆ విషయాలు పక్కన పెట్టేస్తే.. మే 2 న ‘హరిహర వీరమల్లు’ సినిమా టీజర్ రిలీజ్ చేయబోతున్నట్టు ప్రకటించారు. వాస్తవానికి ఈ సినిమా షూటింగ్ ను.. అదీ పవన్ పార్ట్ .. 20 శాతం కూడా కంప్లీట్ చేసింది లేదు. అయినా సరే ఉన్న ఫుటేజ్ తో గ్లింప్స్ వదిలారు. ఇప్పుడు టీజర్ వదలడానికి రెడీ అయ్యారు.
మే 2 న ‘హరిహర వీరమల్లు’ నుండి టీజర్ వచ్చే ఛాన్స్ ఉంది. చిత్ర బృందం ఈ విషయం పై క్లారిటీ ఇచ్చింది. క్రిష్ (Krish Jagarlamudi) డైరెక్ట్ చేస్తున్న ఈ సినిమా పాన్ ఇండియా మూవీగా తెరకెక్కనుంది కాబట్టి.. షూటింగ్ కంప్లీట్ అవ్వడానికి ఎక్కువ టైం పడుతుంది అని నిర్మాత ఏ.ఎం.రత్నం (A. M. Rathnam) మొన్నామధ్య చెప్పకనే చెప్పారు. సో ఈ ఏడాది అయితే ‘హరిహర వీరమల్లు ప్రేక్షకుల ముందుకు రావడం కష్టం అని ఇన్సైడ్ టాక్ గట్టిగా వినిపిస్తోంది.
