బిగ్ బాస్ బ్యూటీ దేత్తడి హారిక తెలంగాణ టూరిజం బ్రాండ్ అంబాసిడర్ పదవికి గుడ్ బై చెప్పింది. టూరిజం బ్రాండ్ అంబాసిడర్ గా హారికను ఎంపిక చేసిన తరువాత ఆ శాఖ మంత్రి శ్రీనివాస్ గౌడ్ సీరియస్ అయిన సంగతి తెలిసిందే. అసలు తనకు లేదా ముఖ్యమంత్రి కార్యాలయానికి గానీ తెలియకుండా హారిక నియామకం జరిగిందని ఆయన ఆగ్రహం వ్యక్తం చేశారు. హారిక ఎవరో కూడా తనకు తెలియదని అన్నారు. ప్రస్తుతం తాను ఎమ్మెల్సీ ఎన్నికల్లో బిజీగా ఉన్నానని.. ఆ హడావిడి ముగిసిన తరువాత దేత్తడి హారిక నియామకం ఇష్యూపై దృష్టి పెడతానని ఆయన ప్రకటించారు.
తన నియామకం వివాదాస్పదం కావడంతో హారిక ఈ ఇష్యూకి ఫుల్ స్టాప్ పెట్టాలని నిర్ణయించుకుంది. ఈ క్రమంలో తెలంగాణ రాష్ట్ర పర్యాటక అభివృద్ధి సంస్థ బ్రాండ్ అంబాసిడర్ పదవి నుండి తప్పుకుంటున్నట్లు ప్రకటించింది. సరిగ్గా అంతర్జాతీయ మహిళా దినోత్సవం రోజు నియమితులైన హారిక మూడో రోజే బ్రాండ్ అంబాసిడర్ పదవి నుండి తప్పుకోవడం గమనార్హం. తాను తప్పుకున్న విషయాన్ని సోషల్ మీడియా వేదికగా ప్రకటించింది హారిక.
ఈ మేరకు ఇన్స్టాగ్రామ్ లో ఓ పోస్ట్ పెట్టింది. మహిళా దినోత్సవం రోజు తనను టీఎస్‌టీడీసీకి బ్రాండ్ అంబాసిడర్‌గా ఎంపిక చేయడం దగ్గర నుంచీ ఏం జరిగిందో అందరికీ తెలిసిందేనని.. కొన్ని కారణాల వలన ఆ పదవి నుండి తప్పుకున్నట్లు.. ఎవరినైనా నొప్పించి ఉంటే క్షమించండి అంటూ కోరింది. రాజకీయ కారణాలతో తనను తప్పించే పరిస్థితి తెచ్చుకోకుండా ముందే తన నిర్ణయం చెప్పేసి హుందాగా తప్పుకుంది.
Most Recommended Video
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
