గేమ్‌ను సీరియస్‌గా తీసుకోండి అంటూ బిగ్బాస్ నిన్న ఫేక్‌ ఎలిమినేషన్‌ను సృష్టించాడు. హారికను ఎలిమినేట్‌ చేస్తాం అంటూ చెప్పి గేట్‌ వరకు తీసుకెళ్లి వెనక్కి తీసుకొచ్చాడు. దీనికి వెనుక బిగ్‌ ఉద్దేశం ఏమో కానీ, ఇంట్లో మాత్రం పరిస్థితులు మారాయి. ఎవరేంటో బాగా తెలిసొచ్చింది. అందులో ఒకరు హారిక. ఆమెను ఎలిమనేట్‌ చేసే ప్రాసెస్‌లో మెహబూబ్‌ ఆమెకు వ్యతిరేకంగా ఓటేశాడు. దానిపై హారిక ఉదయాన్నే స్పందించింది. మెహబూబ్‌ నా ఈగోను టచ్‌ చేశాడు అంది. అసలు ఏమైంది?
మోనాల్‌, హారికలో ఒకరిని ఎలిమినేట్‌ చేయడానికి నామినేట్‌ కాని ఇంటి సభ్యులకు నాగార్జున అవకాశం ఇచ్చాడు. ఈ క్రమంలో మెహబూబ్‌ వచ్చి మోనాల్‌కు సపోర్టు చేశాడు. స్ట్రాంగ్‌ కంటెస్టెంట్ కాబట్టే మోనాల్‌కు ఓటేసి ఇంట్లో ఉంచుతున్నా అని చెప్పాడు. ఆ లాజిక్‌ విన్నప్పుడు ప్రేక్షకులు కన్‌ఫ్యూజ్‌ అయ్యారు. సిల్లీ రీజన్‌ అని కూడా అనుకున్నారు. ఇప్పుడు అదే మాట హారిక అంది. వ్యాలిడ్‌ రీజన్‌ చెప్పి నన్ను బయటకు పంపించాలని అనుకుంటే… నాకు ఓకే. అంతేకానీ ఇలా సిల్లీ రీజన్‌ చెప్పడమేంటి అంటూ విరుచుకుపడింది. చూద్దాం ఇది ఎందాక దారి తీస్తుందో.
ఇక్కడే మరో డిస్కషన్‌ కూడా జరిగింది. ఒకవేళ అభిజీత్‌ ఎవరికి సపోర్టు చేస్తాడు అనే ఆలోచన పక్కనే ఉన్న దివికి వచ్చింది. దానికి అభిజీత్‌ తెలివిగా ఇద్దరి బీకర్లలో చెరో సగం నీళ్లు పోసేవాణ్ని అని చెప్పాడు. ఈ సందర్భం కూడా వచ్చుంటే బాగుండేది. మరోవైపు అమ్మ రాజశేఖర్‌ మాస్టర్‌ కూడా దేవీ నాగవల్లి మీద రియాక్ట్‌ అయ్యాడు. ఆ విషయం గురించి ఆరియానాతో మాట్లాడాడు. ‘‘దేవీ నా గురించి మాట్లాడకుండా… నా ప్రొఫెషన్‌ గురించి ఆమె ఎత్తింది. నేను అస్సలు ఆట ఆడటం లేదు.. ఓన్లీ నవ్వుతున్నాను అని అభాండాలు వేసింది. ఇప్పుడు నా మాటలు వినేవాళ్లు నన్నేమైనా చేయొచ్చు’ అంటూ ఆవేదనతో మాట్లాడాడు. ఇదంతా చూస్తుంటే ఈ వారం ఇల్లు అంత సాఫీగా సాగేలా కనిపించడం లేదు.
బిగ్బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
