సినీ ఇండస్ట్రీలో ఒకరు ఎదుగుతున్నారు అంటే మిగిలిన వాళ్ళకి అసూయ ఉండడం కామన్. కాకపోతే అది పోటీగా తీసుకుని వారు కూడా మంచిగా ముందుకు వెళ్ళాలి. అంతేకాని సందర్భం దొరికింది కదా అని నోరుపారేసుకూడదు. అలా చేయడం వల్ల వారి వ్యక్తిత్వం బ్యాడ్ అయ్యే అవకాశాలు ఉంటాయి.ఇక అసలు మేటర్ ఏంటంటే.. ‘తకిట తకిట’ ‘పిల్ల జమిందారు’ ‘జై సింహా’ వంటి హిట్ చిత్రాల్లో నటించిన హరిప్రియకు ఇక్కడ పెద్ద అవకాశాలు రాకపోవడంతో కన్నడ ఇండస్ట్రీకి చెక్కేసింది. అక్కడ ఈమెకు అవకాశాలు బాగానే వస్తున్నాయి. ఇటీవల తేజస్వి డైరెక్షన్లో సృజన్ లోకేష్ కు జంటగా ‘ఎల్లిదే ఇల్లితనకా’ చిత్రం చేసింది.ఈ చిత్రంలో సృజన్, హరిప్రియల మధ్య ఓ ముద్దు సీన్ ఉంది.
ఇది అచ్చం ‘గీత గోవిందం’ చిత్రంలోని విజయ్‌ దేవరకొండ–రష్మిక మధ్య వచ్చే ముద్దు సీన్‌లా ఉందని, ఆ సన్నివేశంలో రష్మికలా.. హరిప్రియ కూడా జీవించింది అంటూ సోషల్‌ మీడియాలో పోల్చడం మొదలుపెట్టారు. ఈ కామెంట్స్ హరిప్రియకు నచ్చలేదు అనుకుంట. ‘‘నా సినిమాలను నా అభిమానులు, ప్రేక్షకులు వారి కుటుంబంతో సహా చూడాలనుకుంటాను. ఇప్పటి వరకూ రొమాంటిక్, ముద్దు సన్నివేశాల్లో దిగజారి నేను నటించలేదు. కాకపోతే ‘ఎల్లిదే ఇల్లితనకా’ చిత్రంలో కథకు అవసరం కాబట్టి ముద్దు సన్నివేశంలో పాల్గొన్నాను. అయితే అది రష్మిక లిప్‌లాక్‌ సీన్ లా కాదు. నాది మామూలు ముద్దే.’’ అంటూ చెప్పుకొచ్చింది.
సైరా నరసింహారెడ్డి చిత్రంలోని పవర్ ఫుల్ డైలాగ్స్
సైరా సినిమా రివ్యూ & రేటింగ్!
