Harish Shankar: ఉస్తాద్ భగత్ సింగ్ ఓ రేంజ్ లో ఉంటుంది.. హరీష్ కామెంట్స్ వైరల్!

పవన్ కళ్యాణ్ (Pawan Kalyan) హరీష్ శంకర్ (Harish Shankar) కాంబినేషన్ లో తెరకెక్కిన గబ్బర్ సింగ్ (Gabbar Singh) మూవీ అప్పట్లో ఏ స్థాయిలో సంచలనాలు సృష్టించిందో ప్రత్యేకంగా చెప్పాల్సిన అవసరం లేదు. ఈ కాంబినేషన్ లో ఉస్తాద్ భగత్ సింగ్ (Ustaad Bhagat Singh) సినిమా తెరకెక్కుతుండగా ఈ సినిమాపై భారీగా ప్రేక్షకుల్లో అంచనాలు ఏర్పడ్డాయనే సంగతి తెలిసిందే. తాజాగా హరీష్ శంకర్ పవన్ గురించి, ఉస్తాద్ భగత్ సింగ్ గురించి ఆసక్తికర వాఖ్యలు చేశారు. ఉస్తాద్ భగత్ సింగ్ సినిమా షూట్ చేసింది కేవలం ఐదు రోజులేనని కట్ చేసిన టీజర్ కూడా ఆ 5 రోజుల షూటింగ్ కు సంబంధించినదే అని ఆయన వెల్లడించారు.

ఐదు రోజుల్లో ఎంత షూట్ చేశామంటే 15 రోజుల్లో ఎంత షూట్ చేస్తామో అంత చేశామని హరీష్ శంకర్ పేర్కొన్నారు. గబ్బర్ సింగ్ అప్పుడు ఏ వైబ్ పవన్ లో ఉందో అదే వైబ్, అదే ఎనర్జీ పవన్ కళ్యాణ్ లో ఉందని ఆయన వెల్లడించారు. ఉస్తాద్ భగత్ సింగ్ సినిమా ఏంటో సినిమాలోనే చూపిస్తానని హరీష్ శంకర్ పేర్కొన్నారు. హరీష్ శంకర్ కామెంట్లతో ఈ సినిమాపై అంచనాలు పెరిగాయి.

ఎన్నికల తర్వాత ఉస్తాద్ భగత్ సింగ్ సినిమా సెట్స్ పైకి వెళ్లే అవకాశం ఉంటుంది. ఈ సినిమాలో శ్రీలీల (Sreeleela) హీరోయిన్ గా నటిస్తుండగా ఈ సినిమాపై భారీ స్థాయిలో అంచనాలు పెరుగుతున్నాయి. హరీష్ శంకర్ ఈ సినిమాతో మరో బ్లాక్ బస్టర్ హిట్ అందుకుంటానని కాన్ఫిడెన్స్ తో ఉన్నారు. హరీష్ శంకర్ పవన్ కళ్యాణ్ కు వీరాభిమాని అనే సంగతి తెలిసిందే. హరీష్ శంకర్ పవన్ కళ్యాణ్ ను పోలీస్ ఆఫీసర్ గా చూపిస్తున్నారు.

వచ్చే ఏడాది ఈ సినిమా థియేటర్లలో విడుదలయ్యే అవకాశం ఉంది. ఉస్తాద్ భగత్ సింగ్ బాక్సాఫీస్ ను షేక్ చేయడం ఖాయమని కామెంట్లు వ్యక్తమవుతున్నాయి. ఉస్తాద్ భగత్ సింగ్ పవన్ కళ్యాణ్ కెరీర్ లోనే బిగ్గెస్ట్ హిట్ గా నిలవాలని ఫ్యాన్స్ కోరుకుంటున్నారు.

ఘనంగా హీరోయిన్ మీరా చోప్రా పెళ్లి.. వైరల్ అవుతున్న ఫోటోలు

భర్తకు షాకిచ్చిన సీరియల్ నటి.. ఏమైందంటే?
సిద్ధు జొన్నలగడ్డ ఆ హీరోయిన్ ను పెళ్లి చేసుకోనున్నారా.. ఏం జరిగిందంటే?