Harish Shankar, Pawan Kalyan: ఆ ప్రశ్నలకు క్లారిటీ ఇచ్చిన హరీష్ శంకర్!

పవర్ స్టార్ పవన్ కళ్యాణ్ కెరీర్ లోని హిట్ సినిమాలలో గబ్బర్ సింగ్ సినిమా ఒకటనే సంగతి తెలిసిందే. స్టార్ డైరెక్టర్ హరీష్ శంకర్ డైరెక్షన్ లో ఈ సినిమా తెరకెక్కింది. దబాంగ్ సినిమా రీమేక్ గా తెరకెక్కిన ఈ సినిమాను తెలుగు నేటివిటీకి అనుగుణంగా మార్పులు చేసి హరీష్ శంకర్ సక్సెస్ ను సొంతం చేసుకున్నారు. ఈ సినిమా తర్వాత హరీష్ శంకర్ డైరెక్షన్ లో తెరకెక్కిన కొన్ని సినిమాలు బాక్సాఫీస్ వద్ద హిట్లుగా నిలిచాయి.

Click Here To Watch Now

ప్రస్తుతం వరుస విజయాలతో జోరుమీదున్న హరీష్ శంకర్ పవన్ కళ్యాణ్ తో భవదీయుడు భగత్ సింగ్ అనే సినిమాను తెరకెక్కించనున్నారు. మైత్రీ మూవీ మేకర్స్ బ్యానర్ పై భారీ బడ్జెట్ తో ఈ సినిమా తెరకెక్కనుంది. హరీష్ శంకర్ ఈ సినిమాలో పవన్ ను తెలుగు లెక్చరర్ పాత్రలో చూపిస్తారని ప్రచారం జరుగుతోంది. పవన్ కళ్యాణ్ కు జోడీగా ఈ సినిమాలో పూజా హెగ్డే నటిస్తున్నారని వార్తలు ప్రచారంలోకి రాగా హరీష్ కూడా ఆమే హీరోయిన్ గా ఫిక్సైందని క్లారిటీ ఇచ్చారు.

అయితే భవదీయుడు భగత్ సింగ్ సినిమాకు సంబంధించి వేర్వేరు వార్తలు ప్రచారంలోకి రాగా తాజాగా హరీష్ శంకర్ స్పందించి వైరల్ అయిన వార్తలకు సంబంధించి క్లారిటీ ఇచ్చారు. జూన్ నెలాఖరులో భవదీయుడు భగత్ సింగ్ సెట్స్ పైకి వెళుతుందని ఇప్పటికే ఈ సినిమా స్క్రిప్ట్ పనులు పూర్తయ్యాయని హరీష్ అన్నారు. ఈ సినిమాలోని కీలక పాత్ర కోసం పంకజ్ త్రిపాఠిని సంప్రదిస్తున్నామని హరీష్ పేర్కొన్నారు.

ఈ సినిమాలో ఒక ముఖ్య పాత్రలో కమెడియన్ సత్య నటిస్తున్నాడని హరీష్ శంకర్ వెల్లడించారు. దేవిశ్రీ ప్రసాద్ ఈ సినిమాకు మ్యూజిక్ అందిస్తున్నారని ఒక పాట రికార్డింగ్ పూర్తైందని చెప్పుకొచ్చారు. పక్కా కమర్షియల్ ఎంటర్టైనర్ గా ఈ సినిమాను తెరకెక్కిస్తున్నామని హరీష్ శంకర్ వెల్లడించారు. వచ్చే ఏడాది ఈ సినిమా రిలీజయ్యే అవకాశాలు ఉన్నాయి.

రాధే శ్యామ్ సినిమా రివ్యూ & రేటింగ్!

Most Recommended Video

ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!