డైరెక్టర్ హరీష్ శంకర్ ఓ ఇంటర్వ్యూలో మహేష్ కొరకు స్క్రిప్ట్ సిద్ధం చేస్తున్నాని చెప్పారు. మహేష్ ఇమేజ్ కి సరిపోయేలా ఓ మంచి కథను సిద్ధం ఆయన చేస్తున్నట్లు చెప్పుకొచ్చారు. మీ ఫ్యూచర్ ప్రాజెక్ట్స్ ఏమిటీ అన్న ప్రశ్నకు సమాధానంగా హరీష్ ఇలా స్పందించడం జరిగింది. సాధారణంగా ఓ స్క్రిప్ట్ రాస్తున్నాను దానికి సరిపోయే హీరో కోసం వెతుకుతున్నాను అని డైరెక్టర్స్ సమాధానం చెవుతారు. నిజానికి ఓ హీరోయిన్ దృష్టిలో పెట్టుకొని ఈ కథ రాసిన ఆ విషయం బయటికి చెప్పరు.
ఒక వేళ సదరు హీరోకి ఆ స్క్రిప్ట్ నచ్చకపోతే మరో హీరో చేయడానికి ముందుకురారు. హరీష్ మాత్రం హీరో పేరు చెప్పి స్క్రిప్ట్ రాస్తున్నానంటూ చెప్పి ఆశ్చర్యం కలిగించారు. ఐతే హరీష్ స్క్రిప్ట్ రాసినంత మాత్రాన మహేష్ ఆయనకీ డేట్స్ ఇస్తాడు అనేది జరగనిపని. అందులోను మహేష్ కి స్క్రిప్ట్స్ ఓ పట్టాన నచ్చావని టాక్ ఉంది. తనతో మహర్షి సినిమా చేసిన వంశీ పైడిపల్లితో మూవీని ప్రకటించి కూడా స్క్రిప్ట్ విషయమై క్యాన్సిల్ చేశాడు.
ఇక హరీష్ ట్రాక్ కూడా ఏమంత ఘనంగా లేదు. ఆయన కెరీర్ లో మిరపకాయ్, గబ్బర్ సింగ్ మినహా క్లీన్ హిట్స్ లేవు. ఇక పవన్ సినిమా అవకాశం అనుకోకుండా దక్కించుకున్న హరీష్ ఆ స్క్రిప్ట్ లో పర్ఫెక్షన్ కోసం వెతుక్కోకుండా మహేష్ కోసం స్క్రిప్ట్ రాస్తున్నాను అనడం వింతగా ఉంది. ప్రస్తుతం హరీష్ పవన్ మూవీపై శ్రద్ద పెట్టి హిట్ కొడితే మహేష్ మూవీ ఆటోమేటిక్ ఓకే అవుతుంది. లేదంటే రెంటికి చెడ్డ రేవడి వ్యవహారం అవుతుంది.
Most Recommended Video
అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!
