ఆ వార్తల్లో నిజం లేదంటున్న డైరెక్టర్..?

టాలీవుడ్ స్టార్ డైరెక్టర్లలో ఒకరైన హరీష్ శంకర్ దువ్వాడ జగన్నాథం, గద్దలకొండ గణేష్ హిట్ల తరువాత పవన్ కళ్యాణ్ హీరోగా ఒక సినిమా చేస్తున్నట్లు వెల్లడించిన సంగతి తెలిసిందే. గబ్బర్ సింగ్ కాంబినేషన్ రిపీట్ అవుతుండటంతో పవన్ ఫ్యాన్స్ ఆనందానికి అవధులు లేకుండా పోయాయి. అయితే గత రెండు రోజుల నుంచి హరీష్ శంకర్ రవితేజ కాంబినేషన్ లో ఒక సినిమా పట్టాలెక్కనుందని గాసిప్స్ తెగ వైరల్ అయ్యాయి. రవితేజ హరీష్ శంకర్ కాంబినేషన్ లో షాక్, మిరపకాయ్ సినిమాలు తెరకెక్కగా షాక్ డిజాస్టర్ ఫలితాన్ని అందుకునే మిరపకాయ్ హిట్ గా నిలిచింది.

హరీష్ శంకర్ పవన్ సినిమాతో పాటు రవితేజ సినిమా స్క్రిప్ట్ కు సంబంధించి పనులు చేస్తున్నట్టు ప్రచారం జరిగింది. అయితే ఈ గాసిప్స్ విని హరీష్ శంకర్ నవ్వుకున్నారని సమాచారం. ప్రస్తుతానికి పవన్ సినిమాపైనే తన దృష్టి ఉందని హరీష్ సన్నిహితులతో చెప్పినట్టు తెలుస్తోంది. పవన్ కళ్యాణ్ ప్రస్తుతం క్రిష్ డైరెక్షన్ లో హరిహర వీరమల్లు, సాగర్ కె చంద్ర డైరెక్షన్ లో అయ్యప్పనుమ్ కోషియమ్ రీమేక్ లో నటిస్తున్నారు.

ఈ రెండు సినిమాల షూటింగ్ పూర్తైన వెంటనే పవన్ హరీష్ సినిమా షూటింగ్ మొదలు కానుందని తెలుస్తోంది. గబ్బర్ సింగ్ లో పవన్ ను పోలీస్ గా చూపించిన హరీష్ శంకర్ పవన్ తో ఎలాంటి సినిమాను చేయనున్నారో తెలియాల్సి ఉంది. పవన్ ఫ్యాన్స్ ఈ సినిమా కోసం ఆసక్తిగా ఎదురు చూస్తున్నారు.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!