పవన్‌ కల్యాణ్‌ ఎన్ని సినిమాలు చేసినా… ‘బద్రి’ సినిమాలో ఆయన యాటిట్యూడ్‌ చాలా డిఫరెంట్‌గా ఉంటుంది. ముఖ్యంగా ప్రకాశ్‌ రాజ్‌ క్యారెక్టర్‌ ఎంటర్‌ అయ్యాక పవన్‌ చూపించే యాటిట్యూడ్‌, నటన, డైలాగ్స్‌, బాడీ మేనరిజం… అన్నీ పీక్స్‌లో ఉంటాయి. ఆ తర్వాత చాలా సినిమాలు వచ్చినా, ఆ రేంజి పవన్‌ యాటిట్యూడ్‌ను చూపించలేకపోయాయి. మొన్నీ మధ్య ‘వకీల్‌సబ్‌’లో చిన్నగా చూపించారు. అయితే ‘బద్రి’ రేంజి పవన్‌ను మరోసారి చూపిస్తా అంటున్నారు హరీశ్ శంకర్‌.
మైత్రి మూవీ మేకర్స్‌ నిర్మాణంలో పవన్‌ కల్యాణ్‌తో హరీశ్ శంకర్‌ ఓ సినిమా చేస్తున్న విషయం తెలిసిందే. ప్రస్తుతం పూర్వ నిర్మాణ కార్యక్రమాలు జరుగుతున్నాయి. త్వరలో చిత్రీకరణ ప్రారంభం అవుతుందని సమాచారం. ‘గబ్బర్‌ సింగ్‌’లో పవన్‌ను సరికొత్తగా చూపించిన హరీశ్ శంకర్‌.. ఈ సినిమాలో ఎలా చూపిస్తాడో అని అందరూ అనుకుంటున్నారు. సరిగ్గా ఈ సమయంలోనే ట్విటర్‌లో ఓ వీడియో షేర్‌ చేశారు హరీశ్ శంకర్‌. ఇప్పుడా వీడియో, ట్వీట్ వైరల్‌గా మారాయి.
‘బద్రి’ సినిమాలో పవన్‌ కల్యాణ్‌ చూపించిన ఎనర్జీని మరోసారి మీరు చూడబోతున్నారు అంటూ ట్వీట్ చేశారు హరీశ్ శంకర్‌. దాంతో అభిమానులకు కొండంత బలం వచ్చినట్లైంది. అయితే అప్పట్లో పవన్‌ను పూరి జగన్నాథ్‌ అలా చూపించి సక్సెస్‌ అయ్యారు. మరి పూరి మ్యాజిక్‌ను ఇప్పుడు హరీశ్ శంకర్‌ రీ క్రియేట్‌ చేయగలరా? అనే ప్రశ్న వస్తోంది. దీంతోపాటు హరీశ్ శంకర్‌ సినిమాలో పవన్‌, ప్రకాశ్‌రాజ్‌ మరోసారి పోటీపడబోతున్నారనే టాక్ కూడా ఈ వీడియో ద్వారా తెలుస్తోంది. చూద్దాం.. ఎలాగూ తన సినిమా గురించి తనే చెబుతా అని హరీశ్ గతంలో ట్వీటారు. ఇప్పుడు కూడా తనే చెప్పాలి.
Let’s witness this energy again ; pic.twitter.com/2QkFIR2Vq1
— Harish Shankar .S (@harish2you) June 26, 2021
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
Home