పవన్ ని పక్కన పెట్టి చిరుకి ఓకే చెప్తాడా..?

మలయాళంలో సూపర్ హిట్ అయిన ‘లూసిఫర్’ సినిమాను తెలుగులో కూడా రిలీజ్ చేశారు. ఇక్కడ కూడా హిట్ టాక్ తెచ్చుకుంది. కానీ ఇప్పుడు ఈ సినిమాను తెలుగులో రీమేక్ చేయాలనుకుంటున్నారు. మెగాస్టార్ హీరోగా సినిమా రూపొందించనున్నారు. ముందుగా ఈ సినిమాను డైరెక్ట్ చేయమని ‘సాహో’ దర్శకుడు సుజీత్ కి ఛాన్స్ ఇచ్చారు. కానీ అతడు మెగాస్టార్ రేంజ్ కి తగ్గట్లు స్క్రిప్ట్ రెడీ చేయలేకపోయారు. దీంతో అతడిని ప్రాజెక్ట్ నుండి తప్పించి..

మెగాస్టార్ కి అచ్చివచ్చిన డైరెక్టర్ వి.వి.వినాయక్ కి అవకాశం ఇచ్చారు. కానీ వినాయక్ తో కూడా కుదరలేదని.. ఆయనకి బదులుగా మరో డైరెక్టర్ ని తీసుకోవాలనుకుంటున్నట్లు వార్తలు వచ్చాయి. ఈ క్రమంలో మెగాస్టార్ చూపు మాస్ డైరెక్టర్ హరీష్ శంకర్ పై పడిందని సమాచారం. ప్రస్తుతం హరీష్.. పవన్ కళ్యాణ్ కోసం ఎదురుచూస్తున్నారు. పవన్ వచ్చేసరికి మరో ఏడాది సమయం పడుతుందని.. ఈలోగా లూసిఫర్ రీమేక్ చేయమని హరీష్ కి కబురు పెట్టాలని మెగాస్టార్ అనుకుంటున్నారట.

‘వకీల్ సాబ్’, ‘అయ్యప్పనుమ్ కోషియం’ రీమేక్ అలానే క్రిష్ సినిమాలు పూర్తి చేసిన తరువాత కానీ హరీష్ శంకర్ సినిమా మొదలుకాదు. అందుకే హరీష్ తో లూసిఫర్ సినిమాను రీమేక్ చేయించే ఆలోచన చేస్తున్నారని తెలుస్తోంది. మెగాస్టార్ ని డైరెక్ట్ చేయాలనే కల హరీష్ కి కూడా ఉంది. కానీ ప్రస్తుతం పవన్ స్క్రిప్ట్ మీద పని చేస్తోన్న హరీష్ దానిని పక్కన పెట్టి మెగాస్టార్ కోసం వస్తాడా..? అనే సందేహాలు తలెత్తుతున్నాయి. మరి ఈ విషయంలో హరీష్ ఎలాంటి నిర్ణయం తీసుకుంటాడో చూడాలి!

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!