ఒకప్పటి హీరోయిన్, సహాయ నటి అయిన జయకుమారి తెలుగు ప్రేక్షకులకు ఎక్కువగా తెలిసుండకపోవచ్చు. ‘బాల మిత్రుల కథ’ ‘మానవుడు దానవుడు’ ‘సంపూర్ణ రామాయణం’ ‘కళ్యాణమండపం’ ‘రంగేళి రాజా’ ‘ఇంటి గౌరవం’ వంటి చిత్రాల్లో నటించింది. ఎన్టీఆర్, ఎంజీఆర్, రాజ్ కుమార్, దిలీప్ కుమార్ వంటి బడా హీరోల సినిమాల్లో ఈమె నటించింది. తమిళ, తెలుగు, కన్నడ, హిందీ,మలయాళం భాషల్లో కలుపుకుని 400కి పైగా చిత్రాల్లో నటించారు. కొన్ని సినిమాల్లో అయితే ఐటమ్ సాంగ్స్ లో కూడా నర్తించారు.
ఈమె కర్ణాటక కు చెందిన వ్యక్తే అయినప్పటికీ తమిళంలోనే ఎక్కువ సినిమాలు చేసింది. ఇదిలా ఉండగా.. కొద్దిరోజులుగా ఈమె అనారోగ్యంతో బాధపడుతూ చెన్నైలోని ప్రభుత్వ ఆసుపత్రిలో చేరిందట. ఈ వార్త కొద్దిరోజులుగా వైరల్ అవుతుంది. ఈమె ఆర్థిక ఇబ్బందుల్లో కూరుకుపోతుండడం వల్లనే ఈమె ప్రభుత్వ ఆసుపత్రిలో చేరినట్టు తెలుస్తుంది. ఈమె పరిస్థితి ఇంత దయనీయంగా మారడంతో ఇండస్ట్రీ వర్గాల్లో జోరుగా చర్చ జరుగుతోంది. కనీసం డబ్బులు లేక వైద్యానికి ఇబ్బంది పడుతున్నట్లు ఆమె ఇంటి పక్కన ఉండేవారు చెప్పుకొస్తున్నారు.
అలాగే ఈమెకు సాయం చేసేందుకు ఎవరైనా ముందుకొస్తే బాగుంటుందని కూడా వారు కోరుతున్నారు. ఈమె దీనస్థితి పై అక్కడి ప్రభుత్వం వెంటనే స్పందించింది. తమిళనాడు హెల్త్ మినిస్టర్ ఎం.సుబ్రహ్మణ్యన్ ఈ విషయం తెలుసుకోవడంతో వెంటనే కీల్ పాక్కం ప్రభుత్వ ఆసుపత్రిలో ఉన్న జయకుమారిని పరామర్శించారు. ‘జయకుమారి రెండు కిడ్నీలు పాడయ్యాయి, అలాగే ఆమెకు సొంత ఇల్లు లేకపోవడంతో రూ. 750 లతో అద్దె ఇంట్లో ఉంటుంది .
. ఆమెకు వెంటనే మెరుగైన చికిత్స అందించాలి’ అంటూ డాక్టర్లు సుబ్రహ్మణ్యన్ కు సూచించడంతో ఆయన ప్రభుత్వం తరపున సొంత ఇల్లు ఏర్పాటు చేసే ప్రయత్నం చేస్తామని హామీ ఇచ్చారు. అలాగే ఆమెకు మెరుగైన వైద్యం అందేలా చూస్తానని కూడా ఆయన మీడియాతో చెప్పుకొచ్చారు.
Most Recommended Video
శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!
