‘లియో’ సినిమా మొదలవ్వగానే, ఇంట్రడక్షన్‌ టీజర్‌ రాగానే… ఫ్యాన్స్‌ పక్కాగా చెప్పేసిన మాట ఇది ‘ఎల్‌సీయూ’ కిందకే వస్తుంది అని. ఎల్‌సీయూ అంటే లోకేశ్‌ సినిమాటిక్‌ యూనివర్స్‌ అని ప్రత్యేకంగా చెప్పక్కర్లేదు. సినిమాలో ఓ పాట రిలీజ్ చేసినప్పుడు కూడా అందులో ఎల్‌సీయూ పాయింట్లు పట్టుకుని మరీ చెప్పేశారు. అయితే ట్రైలర్‌ వచ్చాక పరిస్థితులు మారిపోయాయి. ఎక్కడా ఎల్‌సీయూ ఆనవాళ్లు కనిపించలేదు. దీంతో ఏంటిది? అని అనుకున్నారు ఫ్యాన్స్‌. కానీ ఇప్పుడు మరో హీరో కమ్‌ నిర్మాత చేసిన ట్వీట్‌తో ఈ విషయంలో క్లారిటీ వచ్చేసింది.
తమిళనాట ప్రముఖ హీరో, నిర్మాత అయితన ఉదయనిధి స్టాలిన్ ఇటీవల సినిమా చూశారట. ఆ తర్వాత ‘లియో’ సినిమా యూనిట్‌కి అభినందనలు చెబుతూ ఓ ట్వీట్‌ చేశారు. అందులో #LCU అని కూడా మెన్షన్‌ చేశారు. దీంతో ఈ సినిమా ఎల్‌సీయూ కిందకే వస్తుంది అంటూ ఫ్యాన్స్‌ హ్యాపీ ఫీల్ అవుతున్నారు. అయితే ఆ పదం పక్కన ఒక వింక్‌ ఎమోజీ పెట్టారు. అదెందుకు అనేది తెలియాల్సి ఉంది. కోలీవుడ్‌లో ఉన్న అగ్ర హీరోలను అందరికీ ఎల్‌సీయూ కిందకు తీసుకొచ్చే ఆలోచన ఉందని ఇప్పటికే లోకేశ్‌ తన సినిమాలతో చెప్పకనే చెప్పేశారు.
‘ఖైదీ’ సినిమాతో మొదలైన ఈ ఎల్‌సీయూ… కమల్‌ హాసన్‌ ‘విక్రమ్‌’ వస్తే కానీ బయటకు రాలేదు. ఆ సినిమాలో ‘ఖైదీ’ సినిమాలో కార్తి పోషించిన ఢిల్లీ పాత్ర రిఫరెన్స్‌ పెట్టారు. ఆఖరున రోలెక్స్‌గా సూర్యను దింపి ఎల్‌సీయూ ఎంతవరకు ఎక్స్‌పాండ్‌ చేయొచ్చని చెప్పారు. ఇప్పుడు ‘లియో’ను కూడా అందులో భాగం చేశారు.
అయితే ఈ సినిమా గురించి ఇంకా బయటకు రాని విషయం. సినిమా ఆఖరున మరో స్టార్‌ హీరో వస్తారు.. అయితే అదెవరు అని. చాలామంది అలా వచ్చే ఆ హీరో రామ్‌చరణ్‌ అని అంటున్నారు. కానీ మెగా కాంపౌండ్‌ నుండి మాత్రం అలాంటిదేం లేదు అని చెబుతోంది. ఈ విషయం తేలాంటే మరో రోజు ఆగాల్సిందే. 19న బ్లడీ స్వీట్ అంటూ ‘లియో’ (LEO Movie) థియేటర్లలోకి వస్తాడు మరి.
‘బిగ్ బాస్ 7’ వైల్డ్ కార్డ్ ఎంట్రీ నయనీ పావని గురించి 10 ఆసక్తికర విషయాలు!
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘బిగ్ బాస్ 7’ వైల్డ్ కార్డ్ ఎంట్రీ అశ్విని శ్రీ గురించి 10 ఆసక్తికర విషయాలు!
