Prabhas: ఇప్పటివరకు ప్రభాస్‌ ఫుడ్‌ ఫెస్టివల్‌ టేస్ట్‌ చేసిందెవరంటే?

అదేదో సినిమాలో జయప్రకాశ్‌ రెడ్డి, బ్రహ్మానందం మధ్య నడిచే ఫుడ్‌ ఫెస్టివల్‌ సీన్‌ గుర్తుందా? ఏంటిది ఇంతుంది అంటే తింటే తరిగిపోతుంది అంటారు. పెద్ద ప్లేట్‌, చుట్టూ వంటకాలు, చూస్తే నోరూరిపోయేలా అన్నేసి వంటకాలు నిజ జీవితంలో కూడా ఎవరైనా పెడతారా? అంటే కొంతమంది అలాంటి మహానుభావులు ఉన్నారనే చెప్పొచ్చు. గోదావరి జిల్లాల్లో ఇలాంటివి జరిగినట్లు అప్పుడప్పుడు సోషల్‌ మీడియాలో ఫొటోలు, వీడియోలు కనిపిస్తుంటాయి. ఇలాంటి సీన్లు సినిమా సెట్స్‌లో జరిగింది అంటే..

అది కచ్చితంగా ప్రభాస్‌ సినిమానే అయి ఉంటుంది అని చెప్పేయొచ్చు. అభిమానం ఎక్కువైతే ప్రభాస్‌ భోజనం పెట్టి ఆనందపడతాడు అంటారు. అందులో మామూలుగా కాదు, ఓ ఉత్సవంలా భోజనం పెడతారని టాక్‌. గతంలో కొంతమంది కథానాయికలు, నటీమణులు ఈ మాటలు చెప్పారు. అలా తాజాగా అలాంటి ఫుడ్‌ ఫెస్టివల్‌ చూసిన నటి దీపికా పడుకోణ్‌. ‘ప్రాజెక్ట్‌ కె’ షూటింగ్‌ షెడ్యూల్‌ ఆఖరి రోజున ఆ ఫుడ్‌ ఫెస్టివల్‌ ఫొటో షేర్‌ చేసింది దీపిక.

ఇప్పటివరకు ప్రభాస్‌ ఇలాంటి ఫుడ్‌ ఫెస్టివల్‌ పెట్టినవాళ్లు అందులోనూ బాలీవుడ్‌ జనాలు చూస్తే…

* ‘సాహో’ షూటింగ్‌ సమయంలో హీరోయిన్‌ శ్రద్ధా కపూర్‌కు ఇలాంటి ఫుడ్‌ అరేంజ్‌ చేశాడు. సుమారు 25 ఐటెమ్స్‌ ఉన్న ఫొటోను అప్పుడు శ్రద్ధా కపూర్‌ షేర్‌ చేసింది.

* ‘రాధేశ్యామ్‌’ షూటింగ్‌ సందర్భంలో కూడా ఇలాంటి ఫుడ్‌ ఫొటో ఒకటి బయటికొచ్చింది. ఈసారి హీరోయిన్‌ నుండి కాదు. అందులో కీలక పాత్ర పోషిస్తున్న భాగ్యశ్రీ నుండి. పూత రేకుల డబ్బాల ఫొటోలను షేర్‌ చేస్తూ… ఇవన్నీ పెట్టి నన్ను స్పాయిల్‌ చేస్తున్నాడు అని ట్వీట్‌ చేశారు భాగ్యశ్రీ. అంతేకాదు పూజా హెగ్డేకు కూడా ఓ మంచి బిరియానీ పంపించాడట.

* ‘సలార్‌’ సినిమా కోసం వచ్చిన శ్రుతి హాసన్ పరిస్థితి కూడా ఇంతే. డార్లింగ్‌ నాకోసం పంపించిన ఫుడ్‌ చూడండి అంటూ ఆ మధ్య శ్రుతి కూడా ఓ ఫొటో షేర్‌ చేసింది.

* కేవలం హీరోయిన్లకే ప్రభాస్‌ ఫుడ్‌ పంపిస్తాడు అనుకుంటే పొరపాటే. ‘ఆదిపురుష్‌’ షూటింగ్‌ సమయంలో సైఫ్‌ అలీఖాన్‌కు కూడా ఇలాంటి భారీ ఫుడ్‌ బొనాంజా వెళ్లింది. ఆ విషయం ట్వీట్‌ చేసింది సైఫ్‌ భార్య కరీనా.

* ఇవి కాకుండా… ప్రభాస్‌ ఎక్కడుంటే అక్కడ ఫుడ్‌ ఫెస్టివల్‌ జరుగుతుంది. ఓసారి రవీనా టాండన్‌ కూడా ఫుడ్‌ ఫెస్టివల్‌కు సంబంధించిన ఫొటోను షేర్‌ చేశారు.

* ఇక ప్రభాస్‌ క్లోజ్‌ ఫ్రెండ్స్‌ సంగతి చెప్పక్కర్లేదు. రానా, రామ్‌చరణ్‌… ఎప్పుడూ ఇలా భోజన ప్రేమకు పాత్రులు అవుతూనే ఉంటారు. ‘బాహుబలి’ సెట్‌ నుండి చాలాసార్లు ఇలాంటి పిక్స్‌ బయటకు వచ్చాయి.

అఖండ సినిమా రివ్యూ & రేటింగ్!

Most Recommended Video

‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!