ఒక్కో హీరోకి ఒక్కో సీజన్ కలిసొస్తూ ఉంటుంది. నాగార్జునకి క్రిస్మస్ సీజన్ కలిసొస్తుంది. ఆమిర్ ఖాన్ కి కూడా క్రిస్మస్ సీజన్ కలిసొస్తుంది అంటారు. ఇక సంక్రాంతి అంటే వెంకటేష్, బాలకృష్ణ లకి కలిసొస్తుంది అంటారు. సరిగ్గా ఇలానే తమిళ స్టార్ హీరో కార్తీకి కూడా ఓ సీజన్ బాగా కలిసొస్తుంది. అదే దీపావళి సీజన్. 2019 లో కార్తీ నటించిన ‘ఖైదీ’ సినిమా దీపావళి కానుకగా రిలీజ్ అయ్యింది.
ఎటువంటి అంచనాలు లేకుండా ప్రేక్షకుల ముందుకు వచ్చింది ఈ సినిమా. అది విజయ్ నటించిన ‘బిగిల్'(తెలుగులో ‘విజిల్’) కి పోటీగా. అయినా సరే ‘ఖైదీ’ బ్లాక్ బస్టర్ విజయాన్ని సొంతం చేసుకుంది. కార్తీకి తొలి వంద కోట్ల బ్లాక్ బస్టర్ మూవీని అందించింది ‘ఖైదీ’. ఇక గతేడాది అంటే 2022 దీపావళికి ‘సర్దార్’ తో ప్రేక్షకుల ముందుకు వచ్చాడు కార్తీ. ఆ సినిమా కూడా సూపర్ హిట్ అయ్యింది.
కాబట్టి.. ఈ దీపావళి సీజన్ ను కూడా క్యాష్ చేసుకోవాలని భావిస్తున్నాడు (Karthi) కార్తీ. అందుకే జపాన్ తో ఈ దీపావళికి ప్రేక్షకుల ముందుకు రానున్నాడు. అను ఇమ్మాన్యుయేల్ హీరోయిన్ గా నటిస్తున్న ఈ సినిమా టీజర్ ఈరోజు రిలీజ్ అయ్యింది. రాజు మురుగన్ ఈ చిత్రానికి దర్శకుడు. ఇక ‘జపాన్’ సినిమాలో కార్తీ ఓ గజదొంగగా కనిపించబోతున్నాడు. టీజర్ అయితే చాలా ఇంట్రెస్టింగ్ గా ఉంది. ఈ దీపావళికి కార్తీ మరో హిట్టు కొట్టేలానే ఉన్నాడు.
‘బిగ్ బాస్ 7’ వైల్డ్ కార్డ్ ఎంట్రీ నయనీ పావని గురించి 10 ఆసక్తికర విషయాలు!
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘బిగ్ బాస్ 7’ వైల్డ్ కార్డ్ ఎంట్రీ అశ్విని శ్రీ గురించి 10 ఆసక్తికర విషయాలు!
