Nani, Trivikram: త్రివిక్రమ్- నాని..ఇక సస్పెన్స్ వీడినట్టేనా…?!

మాటల మాంత్రికుడు త్రివిక్రమ్ శ్రీనివాస్ నుండి ఈ ఏడాది వచ్చిన చిత్రం ‘గుంటూరు కారం’. సంక్రాంతి కానుకగా జనవరి 12 న రిలీజ్ అయిన ఈ సినిమా మొదటి షోతోనే మిక్స్డ్ టాక్ ను మూటగట్టుకుంది. సంక్రాంతి సెలవులు.. త్రివిక్రమ్, మహేష్ బాబు..లకి ఉన్న ఫ్యామిలీ ఇమేజ్ ఈ సినిమాని బాక్సాఫీస్ వద్ద గట్టెక్కించినా, కంటెంట్ పరంగా చూస్తే ‘గుంటూరు కారం’ నిరాశపరిచిన మూవీనే అని చెప్పాలి. సో త్రివిక్రమ్ వెంటనే ఓ హిట్ ఇచ్చి కంబ్యాక్ ఇవ్వాలి అని ఆయన అభిమానులు కోరుతున్నారు.

త్రివిక్రమ్ కి ఓ అలవాటు ఉంది. తాను ఒక ప్లాప్ ఇస్తే.. ఫాస్ట్ గా ఇంకో సినిమా తీసి హిట్టు కొట్టడం అనేది త్రివిక్రమ్ కి ఉన్న గొప్ప అలవాటు. ‘ఖలేజా’ నిరాశపరిచినప్పుడు ఫాస్ట్ గా ‘జులాయి’ చేసి హిట్ కొట్టాడు. అలాగే ‘అజ్ఞాతవాసి’ వంటి డిజాస్టర్ ఎదురైనప్పుడు ఫాస్ట్ గా ఎన్టీఆర్ తో ‘అరవింద సమేత’ తీసి హిట్ కొట్టాడు. ఇప్పుడు ‘గుంటూరు కారం’ తో వచ్చిన బ్యాడ్ రిజల్ట్ ని త్వరగా ఇంకో హిట్టు సినిమాతో మరిపించాలని త్రివిక్రమ్ భావిస్తున్నారు.

అయితే ఈసారి స్టార్ హీరోలు ఎవ్వరూ ఖాళీగా లేరు. అల్లు అర్జున్ డిసెంబర్ కి కానీ ఖాళీ అవ్వడు. ఈ క్రమంలో వెంకటేష్ కోసం త్రివిక్రమ్ ప్రయత్నాలు మొదలుపెట్టినా అవి వర్కౌట్ కాలేదు అని వినికిడి. దీంతో నానితోనే సినిమా చేస్తే బెటర్ అని త్రివిక్రమ్ డిసైడ్ అయినట్టు తెలుస్తుంది.’సరిపోదా శనివారం’ తర్వాత వెంటనే నాని చేసే సినిమా ఫిక్స్ అవ్వలేదు.

మార్కెట్ పరంగా కూడా నాని మిడ్ రేంజ్ హీరోల్లో స్ట్రాంగ్ గా ఉన్నాడు. సో త్రివిక్రమ్ కి నానినే బెస్ట్ ఆప్షన్ అని ఇండస్ట్రీలో అంతా చర్చించుకుంటున్నారు. దాదాపు ఈ కాంబో ఫిక్స్ అయినట్టే అని టాక్. అందులోనూ నాని (Nani) వద్ద ‘సితార ఎంటర్టైన్మెంట్స్’ వారు ఇచ్చిన అడ్వాన్స్ కూడా ఉందని సమాచారం.

భామా కలాపం 2 సినిమా రివ్యూ & రేటింగ్!

భ్రమయుగం సినిమా రివ్యూ & రేటింగ్!
రాజధాని ఫైల్స్ సినిమా రివ్యూ & రేటింగ్!