నానిని హర్ట్ చేసిన దిల్ రాజు!

దర్శకుడు శివ నిర్వాణ రూపొందించిన ‘టక్ జగదీష్’ సినిమాలో హీరోగా నటించాడు నాని. కొద్దిరోజుల క్రితమే ఈ సినిమాను ఏప్రిల్ 16న రిలీజ్ చేస్తామని చిత్రబృందం ప్రకటించింది. ఇప్పుడు ఈ సినిమాకి పోటీగా ‘లవ్ స్టోరీ’ సినిమాను రిలీజ్ చేయడానికి రెడీ అవుతున్నారని తెలిసి నాని షాకైనట్లు సమాచారం. ఈ రిలీజ్ డేట్ క్లాష్ విషయంలో దిల్ రాజు ప్రమేయం ఉందనే విషయం నాని వరకు వెళ్లిందట. ఇప్పటివరకు దిల్ రాజు బ్యానర్ లో నాని మూడు సినిమాలు చేశారు.

అవన్నీ కూడా దిల్ రాజుకి లాభాలు తీసుకొచ్చాయి. ‘వి’ సినిమా ఫెయిల్ అయినప్పటికీ ఓటీటీలో రిలీజ్ చేసి పది కోట్ల లాభం పొందాడు దిల్ రాజు. ఈ క్రమంలో తన సినిమాకు పోటీగా మరో సినిమా రిలీజ్ చేయడానికి దిల్ రాజు సహకరించడం ఏంటంటూ నాని ఫీలయ్యాడట. మరోపక్క హీరో నాగచైతన్య కూడా ఇలాంటి పరిస్థితిలోనే చిక్కుకున్నారు. దర్శకుడు శివ నిర్వాణ తనకు ‘మజిలీ’ లాంటి మంచి హిట్ ఇచ్చాడు.

అలాంటి డైరెక్టర్ రూపొందించిన ‘టక్ జగదీష్’ సినిమాకి పోటీగా తన సినిమా ఎందుకు రిలీజ్ చేస్తున్నారనే విషయంలో చైతు ఆరా తీసినట్లు తెలుస్తోంది. అయితే ‘టక్ జగదీష్’ ఆ టైమ్ కి రాదని చెప్పడం వలనే చైతు సైలెంట్ అయ్యాడట. మొత్తానికి ఏప్రిల్ 16 అనే డేట్ ఇండస్ట్రీలో కలకలం సృష్టించే అవకాశాలు బాగా కనిపిస్తున్నాయి.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!