నేచురల్ స్టార్ నాని నిర్మాతగా మారిన సంగతి తెలిసిందే. తన బ్యానర్ లో ‘హిట్’ అనే సినిమాను తెరకెక్కించారు. విశ్వక్ సేన్ హీరోగా నటించిన ఈ సినిమా భారీ విజయాన్ని అందుకుంది. ఇప్పుడు దానికి సీక్వెల్ ను తెరకెక్కిస్తున్నారు. ‘హిట్2’ పేరుతో ఈ సినిమా తెరకెక్కుతోంది. ఇందులో కూడా విశ్వక్ సేన్ నటిస్తారని అంతా అనుకున్నారు. కానీ ఈ ప్రాజెక్ట్ అడివి శేష్ కి వెళ్లింది. సినిమా కథ కూడా సీక్వెల్ మాదిరి కాకుండా..
కొత్త కథ ఉంటుందని సమాచారం. ఏదైనా సరే.. ఒక హిట్ సినిమా ఫ్రాంచైజీలో హీరో మారడం అరుదుగా జరుగుతుంటుంది. హీరోలు కూడా సినిమాను వదులుకోవడానికి ఇష్టపడరు. మరి విశ్వక్ సేన్ ఈ ప్రాజెక్ట్ ఎలా వదులుకున్నాడనే ప్రశ్నలు తలెత్తుతున్నాయి. తాజాగా వీటికి విశ్వక్ సేన్ క్లారిటీ ఇచ్చారు. ”హిట్ 2 సినిమా కూడా నాతోనే చేయాలనుకున్నారు. కానీ కాల్షీట్స్ ఇబ్బంది వచ్చింది. నా కోసం టీమ్ ని వెయిట్ చేయమని చెప్పడం కరెక్ట్ కాదు.
అందుకే మరో హీరోతో హిట్ 2 చేస్తున్నారు. నాని అన్న కూడా ఒక్కో పార్ట్ ఒక్కో హీరోతో చేస్తే బాగుంటుందని అన్నాడు. అలా హిట్ ఫ్రాంచైజీ ఎప్పుడొచ్చినా హీరో మారుతూ ఉంటాడు” అంటూ చెప్పుకొచ్చారు. అంతేకాదు.. ఈ సినిమాతో నాని మాస్టర్ ప్లాన్ వేశారట. హిట్ 2,3, 4 ఒక్కో హీరోతో తీసి.. ఆ హీరోలందరినీ కలిపి మరో సినిమా చేస్తాడట. అంటే.. ఓ భారీ మల్టీస్టారర్ కి ఇప్పటినుంచే రంగం సిద్ధమవుతోందన్నమాట.
సినిమా సినిమాకి కథతో పాటు హీరోల పాత్రలు కూడా భిన్నంగా ఉంటాయని సమాచారం. హిట్ సినిమాలో విశ్వక్ సేన్ రోల్ చాలా కోపంగా.. టెంపర్ కోల్పోతూ కనిపిస్తుంది. ‘హిట్2’లో మాత్రం అడివి శేష్ కూల్ గా ఉంటాడట.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
