Rajasekhar: సునీల్ కూతురి ప్రాణాలు కాపాడిన రాజశేఖర్.. రియల్ హీరో అనిపించుకున్నాడుగా…!

వెండితెరపై పవర్‌ఫుల్ పోలీస్ ఆఫీసర్‌గా రౌడీల భరతం పట్టిన సీనియర్ హీరో రాజశేఖర్ (Rajasekhar).. రియల్ లైఫ్‌లో ఏకంగా ప్రాణాలు పోసే దేవుడయ్యారు. ఆయన కేవలం యాక్టర్ మాత్రమే కాదు, ఎంబీబీఎస్ పూర్తి చేసిన క్వాలిఫైడ్ డాక్టర్ అన్న సంగతి తెలిసిందే. అయితే సినిమాల కోసం స్టెతస్కోప్ పక్కనపెట్టిన ఆయన.. ఓ క్లిష్ట పరిస్థితుల్లో ప్రముఖ కమెడియన్ సునీల్ (Sunil) కూతురి ప్రాణాలు కాపాడారట. తాజాగా ఓ ఇంటర్వ్యూలో రాజశేఖర్ పంచుకున్న ఈ ఎమోషనల్ ఇన్సిడెంట్ నెట్టింట వైరల్ అవుతోంది.

Rajasekhar

రీసెంట్‌గా శర్వానంద్ “బైకర్” సినిమాలో తండ్రి క్యారెక్టర్‌తో ఆకట్టుకున్న రాజశేఖర్ (Rajasekhar).. ఈ మూవీ ప్రమోషన్స్‌లో తన మెడికల్ ప్రాక్టీస్ రోజులను గుర్తుచేసుకున్నారు. చెన్నైలో అతను క్లినిక్ రన్ చేస్తున్న టైమ్‌లో ఓ రోజు ఊహించని ఎమర్జెన్సీ వచ్చింది. నోట్లో నుంచి నురగ వస్తూ, శ్వాస తీసుకోలేక విలవిలలాడిపోతున్న ఓ 16 ఏళ్ల అమ్మాయిని ఆయన దగ్గరకు తీసుకొచ్చారు. ఆమె మరెవరో కాదు.. యాక్టర్ సునీల్ కూతురు. ఆస్తమా అటాక్ వల్ల అప్పటికే ఆమె కండిషన్ చాలా క్రిటికల్ స్టేజ్‌లో ఉందట.

సాధారణంగా అలాంటి ఎమర్జెన్సీ డ్రగ్స్ ఇంట్లో పెట్టుకోరు. కానీ అదృష్టవశాత్తూ ముందు జాగ్రత్తగా రాజశేఖర్ (Rajasekhar) తన దగ్గర ఉంచుకున్న ఓ లైఫ్ సేవింగ్ ఇంజెక్షన్ ఆ క్షణంలో ప్రాణదాతగా మారింది. వెంటనే ఆ ఇంజెక్షన్ ఇవ్వడంతో.. కేవలం గంట వ్యవధిలోనే ఆ అమ్మాయి పూర్తిగా కోలుకుని లేచి మాట్లాడిందట. ఆ క్షణం ఆ ఫ్యామిలీకి ప్రాణం తిరిగొచ్చినంత పనైంది. తమ బిడ్డకు ప్రాణం పోసిన ఆ దేవుడి పట్ల కృతజ్ఞతగా.. అప్పటినుంచి ప్రతి ఏడాదీ సరిగ్గా అదే రోజున వాళ్లు రాజశేఖర్ (Rajasekhar) దగ్గరకు వచ్చి కేక్ కట్ చేయించి, స్వీట్స్ పంచుతారని ఆయన ఎమోషనల్‌గా చెప్పుకొచ్చారు.

ఇలా డాక్టర్‌గా ఎంతోమంది ప్రాణాలు కాపాడిన ఆయన.. యాక్టింగ్‌లో బిజీ అవ్వడం వల్ల ప్రాక్టీస్‌కు దూరమయ్యారు. కానీ భవిష్యత్తులో టైమ్ సెట్ చేసుకుని, నటనతో పాటు మళ్లీ మెడికల్ ప్రాక్టీస్ కూడా కంటిన్యూ చేయాలన్నదే తన కోరిక అని డా.రాజశేఖర్ తన మనసులోని మాట బయటపెట్టారు.

https://youtu.be/wnKKqOwIEvw

సల్మాన్ ఖాన్ ను ఢీకొట్టనున్న ప్రభాస్.. విషయం ఏంటంటే..?