Rajasekhar, Sharwanand: శర్వానంద్ కాంబోలో రాజశేఖర్.. ఏ పాత్రలోనో తెలుసా?

యాంగ్రీ స్టార్ రాజశేఖర్ (Rajasekhar) సెకండ్ ఇన్నింగ్స్ కోసం ఎంతో మంది ప్రేక్షకులు, ఇండస్ట్రీలోని దర్శకనిర్మాతలు ఎంతో ఆసక్తిగా ఎదురుచూశారు. ‘రంగస్థలం’ (Rangasthalam) లాంటి బ్లాక్ బస్టర్ సినిమాల్లో ఆయనకు ఛాన్సులు వచ్చినా.. ఆయన వాటిని యాక్సెప్ట్ చేయలేదు. గోపీచంద్ (Gopichand) ‘రామబాణం’ (Ramabanam) వంటి సినిమాలో కూడా ఛాన్స్ వచ్చినా. ఆయన చివరి నిమిషంలో వద్దనుకున్నారు. ఫైనల్ గా నితిన్ (Nithiin) – వక్కంతం వంశీ (Vakkantham Vamsi) కాంబినేషన్లో వచ్చిన ‘ఎక్స్ట్రా- ఆర్డినరీ మెన్’ (Extra Ordinary Man) సినిమాతో ఆయన రీ ఎంట్రీ ఇచ్చారు.

ఆ సినిమా బాక్సాఫీసు వద్ద బోల్తా కొట్టింది. అయితే సీరియస్ రోల్లో రాజశేఖర్ కామెడీ చేయడం కొంతమందికి బాగానే నచ్చింది. ఓ రకంగా ‘ఎక్స్ట్రా’ లో రాజశేఖర్… చేసింది సెకండ్ హీరో లాంటి పాత్ర. అందుకే ఆయన వెంటనే ఓకే చేశారు అని అందరికీ క్లారిటీ వచ్చింది. అందుకే వెంటనే ఆయన ఇంకో సినిమా చేయలేదు. అయితే ఇటీవల రాజశేఖర్ ఇంకో సినిమాలో నటించడానికి సైన్ చేసినట్లు తెలుస్తుంది.

వివరాల్లోకి వెళితే.. శర్వానంద్ (Sharwanand) హీరోగా ‘లూజర్’ ఫేమ్ అభిలాష్ రెడ్డి దర్శకత్వంలో ఓ సినిమా మొదలైంది.ఇందులో శ‌ర్వా బైక్ రైడ‌ర్‌ గా కనిపించబోతున్నట్టు తెలుస్తుంది.అతనికి ఇది 36 వ సినిమా..! ఇందులో రాజశేఖర్ కూడా ఓ ఇంపార్టెంట్ రోల్ ప్లే చేస్తున్నారట. ఈ సినిమాలో రాజశేఖర్ చేస్తున్నది ఫుల్ లెంగ్త్ రోల్ అని సమాచారం. మరి నితిన్ సినిమా వర్కౌట్ కాకపోయినా.. శర్వానంద్ తో చేస్తున్న సినిమా రాజశేఖర్ కి కలిసొస్తుందేమో చూడాలి