సినిమా షూటింగ్ సమయంలో అనుకోకుండా కొన్నిసార్లు ప్రమాదాలు జరగడం సర్వసాధారణం ఇలా ఎంతోమంది హీరోలు యాక్షన్స్ సన్ని వేషాలు చేసే సమయంలో ప్రమాదానికి గురవుతూ ఉంటారు. సూర్య కూడా ప్రమాదానికి గురయ్యారని తెలుస్తోంది. సూర్య ప్రస్తుతం కంగువ సినిమా షూటింగ్ పనులలో బిజీగా ఉన్నారు. ఈ క్రమంలోనే సినిమా షూటింగ్ సమయంలో ఆయన చేతికి గాయమైంది అంటూ తాజాగా వార్త వైరల్ గా మారింది. ఇలా కంగువా సినిమా షూటింగ్లో సూర్య ప్రమాదానికి గురయ్యారనే వార్త తెలియడంతో అభిమానులు ఆందోళన చెందుతున్నారు.
అసలు సూర్యకు ఏం జరిగింది అంటూ కంగారు వ్యక్తం చేస్తున్నారు. అయితే అభిమానులు ఎవరు కూడా కంగారు పడాల్సిన పని లేదని తెలుస్తుంది. షూటింగ్ జరుగుతున్న సమయంలో కెమెరా స్టాండ్ సూర్య భుజానికి తగలడంతో కాస్త గాయమైందని వెంటనే ఈయనని ఆసుపత్రికి తీసుకెళ్లారని తెలుస్తుంది. హాస్పిటల్ కి తీసుకువెళ్లగా డాక్టర్లు పరీక్షించి ఏ విధమైనటువంటి ప్రమాదం లేదని కొన్ని గంటల పాటు విశ్రాంతి తీసుకుంటే సరిపోతుందని సూచించినట్లు తెలియజేశారు.
ఈ విషయం గురించి సినిమా పీఆర్ మేనేజర్ ధ్రువీకరించారు, అయితే అదేమీ పెద్ద గాయం కాదని చెప్పారు. మాకు ఇప్పుడే నిర్మాతల నుండి వార్త వచ్చింది. ‘కంగువా’ సినిమా షూటింగ్ లో సూర్య గాయపడిన మాట వాస్తవం, కానీ అదే మీకు పెద్ద గాయం కాదని ఎవరు కంగారు పడాల్సిన పనిలేదని తెలిపారు. సూర్యను పరీక్షించినటువంటి డాక్టర్లు ఎవరూ ఆందోళన చేయాల్సిన పనిలేదని చెప్పినట్లు వెల్లడించారు.
కొన్ని గంటలపాటు సూర్య (Suriya) విశ్రాంతి తీసుకుంటే సరిపోతుందని తర్వాత యధావిధిగా తాను షూటింగ్లో పాల్గొనవచ్చు అని డాక్టర్లు చెప్పారు. అయితే సూర్య చేతికి గాయం కావడంతో ఈరోజు షూటింగ్ ఆపివేస్తే తదుపరి యధావిధిగా రేపటి నుంచి షూటింగ్ పనులు జరుపుకుంటారని తెలియజేయడంతో ఒక్కసారిగా అభిమానులు ఊపిరి పీల్చుకున్నారు.
మంగళవారం సినిమా రివ్యూ & రేటింగ్!
స్పార్క్ సినిమా రివ్యూ & రేటింగ్!
సప్త సాగరాలు దాటి సైడ్ బి సినిమా రివ్యూ & రేటింగ్!
