పవన్ కి హీరోయిన్లు దొరికేసినట్టేనా..?

సంవత్సరానికో రెండు సంవత్సరాలకు ఓ సినిమా చేసినపుడు పవన్ కి ఎలాంటి సమస్యా లేదు. ఇప్పుడు వరుసగా సినిమాలు చేసే సరికి హీరోయిన్లు కూడా దొరకని పరిస్థితి ఏర్పడింది. ప్రస్తుతం డాలీ దర్శకత్వంలో ‘కాటమరాయుడు’ సినిమాలో నటిస్తున్న పవన్ కళ్యాణ్ ట్రెండీ డైరెక్టర్ త్రివిక్రమ్, తమిళ దర్శకుడు నేశన్ లతో చెరో సినిమా చేయనున్న సంగతి తెలిసిందే. ఈ రెండు సినిమాలకి కలిపి ముగ్గురు నలుగురు హీరోయిన్లు కావాల్సి ఉంది. ఆ మేరకు దర్శకులు వెతుకులాట ముగింపు దశకు చేరుకుందని సమాచారం.

త్రివిక్రమ్ దర్శకుడిగా హారిక అండ్ హాసిని క్రియేషన్స్ బ్యానర్ లో తెరకెక్కనున్న సినిమాలో పవన్ సరసన కనపడనున్న ఇద్దరు హీరోయిన్లలో ఒకరిగా కీర్తి సురేష్ ఎంపిక ఖాయమైంది. రెండో హీరోయిన్ గా పూజ హెగ్డే పక్కా అని గుసగుసలు వినవస్తున్నాయి. ఇప్పటికే వరుణ్ తేజ్ తో తెరపంచుకున్న పూజ ప్రస్తుతం అల్లు అర్జున్ తో రొమాన్స్ చేస్తోంది. ఇప్పుడు పవన్ తోనూ నటిస్తున్నట్టు వార్తలు వస్తుండటంతో మెగా అభిమానుల ఆనందానికి అవధి లేకుండా పోయింది. ఇదే నిజమైతే త్రివిక్రమ్-పవన్ సినిమాకి హీరోయిన్ల కొరత తీరినట్టే. ఇక నేశన్ దర్శకత్వం వహించనున్న సినిమాకి త్రిషను పరిశీలిస్తున్నారట. ‘బంగారం’ సినిమాలో ఓ సీన్ లో నటించి పవన్ ని కరిగించిన త్రిష ‘తీన్ మార్’ లోను అతడితో జంట కట్టింది. మరి ఈ సినిమాలోనూ ఇదే జంట కనువిందు చేయనుందా లేదా అన్నది తెలియాలంటే అధికారిక ప్రకటన వచ్చే వరకు ఎదురు చూడాల్సిందే..!

Also, do SUBSCRIBE to our YouTube channel to get latest Tollywood updates.