పవర్ స్టార్ పవన్ కళ్యాణ్.. ఓ పెద్ద హిట్టు కొట్టడానికి ప్రయాసపడుతున్న రోజులవి. ‘ఖుషి’ తరువాత ఆ స్థాయి హిట్ కొట్టాలని అభిమానులు ఆశపడుతున్న రోజులవి. మధ్యలో త్రివిక్రమ్ ‘జల్సా’ వంటి హిట్ ఇచ్చాడు. కానీ అది త్రివిక్రమ్ రేంజ్ మూవీ అన్నారు కానీ పవన్ స్థాయి మూవీ అనలేదు అభిమానులు. అలా 10ఏళ్ళు గడిపోయి.. అభిమానులు నిరాశకు గురవుతున్న రోజుల్లో ‘గబ్బర్ సింగ్’ అనే చిత్రంతో మళ్ళీ కొత్త ఆశలు చిగురించేలా చేసాడు హరీష్ శంకర్.
ఓ అభిమాని తన హీరోని ఎలా చూడాలనుకుంటాడో అలా చూపించి.. మంచి కంబ్యాక్ హిట్ ను అందించాడు. మళ్ళీ 9 ఏళ్ళ తరువాత పవన్ – హరీష్ శంకర్ల సినిమా రాబోతుంది. నిజానికి గతేడాదే ఈ చిత్రాన్ని అనౌన్స్ చేశారు. కానీ పవన్ ముందుగా కమిట్ అయిన ప్రాజెక్ట్స్ వల్ల లేట్ అవుతూ వచ్చింది. తాజాగా ఈ ప్రాజెక్టు గురించి నిర్మాతలైన ‘మైత్రి మూవీ మేకర్స్’ వారు కొన్ని ఆసక్తికరమైన విషయాలను చెప్పుకొచ్చారు. ‘దర్శకుడు హరీష్ శంకర్ ‘గబ్బర్ సింగ్’ ను మించే స్క్రిప్ట్ నే రెడీ చేశాడు.
పవన్ అభిమానులను ఎంటర్టైన్ చేసే కమర్షియల్ ఎలిమెంట్స్ ఉంటాయి అలాగే ప్రేక్షకులను ఆలోచింపచేసే ఓ మెసేజ్ కూడా ఉంటుంది’ అంటూ వారు చెప్పుకొచ్చారు. ఇక ఈ నిర్మాతలు రూపొందించిన ‘ఉప్పెన’ చిత్రం రేపు అంటే ఫిబ్రవరి 12న విడుదల కాబోతున్న సంగతి తెలిసిందే. ఈ చిత్రం గురించి ప్రేక్షకులు ఎంతో ఆశక్తితో ఎదురుచూస్తున్నారు.
Most Recommended Video
వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!
Home