2019 లో అల్లు అర్జున్ సినిమా ఒక్కటి కూడా రాలేదు. 2018 లో వచ్చిన ‘నా పేరు సూర్య’ ప్లాప్ అవ్వడంతో కొంచెం గ్యాప్ తీసుకుని .. త్రివిక్రమ్ డైరెక్షన్లో ‘అల వైకుంఠపురములో’ చిత్రం చేసాడు. సంక్రాంతి కానుకగా విడుదల కాబోతున్న ఈ చిత్రంలో పూజా హెగ్డే హీరోయిన్ గా నటించింది. ‘హారిక అండ్ హాసిని క్రియేషన్స్’ ‘గీత ఆర్ట్స్’ సంస్థలు కలిసి నిర్మించిన ఈ చిత్రంలో సుశాంత్, నివేదా పేతురాజ్ కూడా కీలక పాత్రలు పోషించారు.
ఇక ప్రముఖ కోలీవుడ్ దర్శకుడు మరియు నటుడు అయిన సముద్రఖని ఈ చిత్రంలో నెగిటివ్ షేడ్స్ ఉన్న పాత్రలో కనిపించబోతున్నట్టు టీజర్ చూస్తే స్పష్టమవుతుంది. ఆయన పాత్రను దర్శకుడు త్రివిక్రమ్ చాలా బాగా డిజైన్ చేసాడట. అందుతోన్న సమాచారం ప్రకారం .. సముద్రఖని ఈ చిత్రంలో కామెడీ విలన్ గా కనిపించబోతున్నాడని తెలుస్తుంది. బన్నీకి .. ఈయనకి మధ్య వచ్చే కామెడీ సీన్స్ ఈ చిత్రానికే హైలైట్ గా నిలుస్తాయట. ఇక టబు, రాజేంద్ర ప్రసాద్, మురళీశర్మ, జయరామ్ పాత్రలు కూడా చాలా ఇంట్రెస్టింగ్ గా వుంటాయని తెలుస్తుంది. ఫ్యామిలీ ఆడియన్స్ అంతా ఈ చిత్రానికి బాగా కనెక్ట్ అవుతారని… బన్నీ – త్రివిక్రమ్ లకు పెద్ద హిట్ పడటం ఖాయమని ధీమా వ్యక్తం చేస్తున్నారు ఫిలింనగర్ విశ్లేషకులు.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
Home