Allu Arjun: అల్లు అర్జున్‌ – త్రివిక్రమ్‌ సినిమాలో ‘బెస్ట్‌’ నాయిక ఆమేనా?

సినిమా గురించి పెద్దగా పుకార్లు రాకుండా, ఇదిగో అదిగో అనే మాటలూ రాకుండా అనౌన్స్‌ అయిన సినిమాల లిస్ట్ రాస్తే… అందులో కచ్చితంగా అల్లు అర్జున్‌ – త్రివిక్రమ్‌ సెకండ్‌ హ్యాట్రిక్‌ షురూ చేసే కాంబినేషన్‌ సినిమా ఉంటుంది. ఇద్దరూ కలసి సినిమా చేయాలి, చేస్తారేమో అనే మాటలు ఉండగానే… సినిమాను అనౌన్స్‌ చేసి షాక్‌ ఇచ్చారు. అయితే ఇప్పుడు ఈ సినిమాకు సంబంధించి హీరోయిన్ల విషయంలో త్వరలోనే క్లారిటీ వచ్చేస్తుంది అని అంటున్నారు. వినడానికి డౌట్‌ఫుల్‌గా ఉన్నా హీరోయిన్ల విషయం క్లారిటీ అంటున్నారు.

‘జులాయి’, ‘సన్నాఫ్ సత్యమూర్తి’, ‘అల వైకుంఠపురములో..’ సినిమాలతో హ్యాట్రిక్‌ కొట్టారు బన్నీ – త్రివిక్రమ్‌. ఇప్పుడు ఈ ఇద్దరూ మరో హ్యాట్రిక్‌కు శ్రీకారం చుట్టబోతున్నారు. ఈ మేరకు సినిమా అనౌన్స్‌మెంట్‌ కూడా అయిపోయింది. ప్రస్తుతం మహేష్‌బాబు ‘గుంటూరు కారం’ సినిమాతో బిజీగా ఉన్న త్రివిక్రమ్‌ ఈ సినిమా పూర్తయ్యాక బన్నీ సినిమా పనుల్లో వేగం పెంచుతారట. అయితే మరోవైపు టీమ్‌ తన పని తాను చేసుకుంటోందట. ఈ క్రమంలోనే హీరోయిన్‌ ఎంపిక గురించి డిస్కషన్స్‌ అవుతున్నాయట.

‘పుష్ప’ సినిమాతో పాన్‌ ఇండియా హీరో అయిపోయిన (Allu Arjun) అల్లు అర్జున్… జాతీయ అవార్డు అందుకుని తన స్థాయి ఇంకా పెంచుకున్నాడు. దీంతో నెక్స్ట్‌ సినిమాలు ఆ స్థాయిలో ఉండేలా చూసుకుంటున్నాడట. అలా త్రివిక్రమ్‌తో చేయబోయే సినిమాను కూడా అదే స్థాయిలో సిద్ధం చేయాలని అనుకుంటున్నారట. ఈ సినిమాలో హీరోయిన్‌గా బాలీవుడ్‌ భామను దింపితే అక్కడ ప్రచారానికి ఉపయోగపడుతుంది, పాన్‌ ఇండియా ఫ్లేవర్‌ బలంగా ఉంటుంది అని అనుకుంటున్నారట.

ఈ క్రమంలో ఇద్దరి పేర్లు దాదాపు ఫిక్స్‌ అయ్యాయి అని చెబుతున్నారు. అందులో ఒకరు మొన్నీమధ్యే బన్నీకి ఉత్తమ నటుడు అవార్డు వచ్చినప్పుడే… జాతీయ పురస్కారం అందుకుని జాతీయ ఉత్తమ నటి అయిన కృతి సనన్‌ కాగా, మరో నాయిక గ్లోబల్‌గా గుర్తింపు తెచ్చుకున్న దీపికా పడుకొణె. ఈ ఇద్దరిలో ఒకరిని ఈ సినిమాలో హీరోయిన్‌గా తీసుకుంటారు అని అంటున్నారు. అందో కృతికే ఎక్కువ అవకాశం ఉంది అని కూడా చెబుతున్నారు.

ఇక గురూజీ సినిమా అంటే ఇద్దరు హీరోయిన్లు దాదాపు పక్కా. ఆ లెక్కన మరో హీరోయిన్‌గా టాలీవుడ్‌ భామనే ఎంచుకుంటారట. మరి ఆ భామ ఎవరు, తొలి హీరోయిన్లు ఇద్దరిలో ఎవరు ఫైనల్‌ అనేది త్వరలోనే క్లారిటీ ఇచ్చేస్తారు అని కూడా అంటున్నారు. అయితే సినిమా మొదలవ్వకుండా ఇలాంటి వార్తలు రావడం, కన్‌ఫామ్‌ కావడం కష్టమే. చూద్దాం మరి ఏమవుతుందో? అన్నట్లు ఈ సినిమాను అనుకున్న ప్రకారం అయితే వచ్చే ఏప్రిల్‌లో ప్రారంభించాలి.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!