భారీ కలక్షన్ రాబట్టిన ఎన్టీఆర్ సినిమా

కొరటాల శివ దర్శకత్వంలో యంగ్ టైగర్ ఎన్టీఆర్ నటించిన “జనతా గ్యారేజ్” తెలుగు రాష్ట్రాలతో పాటు విదేశాల్లోనూ కలక్షన్ల వర్షం కురిపిస్తోంది. ఈ నెల 1వ తేదీన ప్రేక్షకుల ముందుకు వచ్చిన ఈ సినిమా పది రోజుల్లో ప్రపంచవ్యాప్తంగా  70 కోట్ల షేర్ వసూల్ చేసింది. కేవలం యూఎస్ లోనే ఈ మూవీ 11.45 కోట్ల షేర్ ని రాబట్టింది.

తారక్ తన మార్క్ యాక్షన్ ను వదిలిపెట్టకుండా వినూత్న కథ తో చేసిన ప్రయత్నం మంచి ఫలితాలని ఇస్తోందని చిత్ర బృందం ఆనందం వ్యక్తం చేస్తోంది. సమంతా – నిత్యామీనన్ ల గ్లామర్ తో పాటు కాజల్ అగర్వాల్ స్పెషల్ సాంగ్ మాస్, క్లాస్ తేడా లేకుండా అందరిని థియేటర్ కు రప్పిస్తోందని వివరించింది. మలయాళ సూపర్ స్టార్ మోహన్ లాల్ ప్రత్యేక పాత్ర పోషించిన జనతా గ్యారేజ్ యూఎస్ లో రికార్డ్ సృష్టిస్తోందని వెల్లడించింది.