NTR, Koratala Siva: ఎన్టీఆర్‌ సినిమా ముహూర్తం కూడా సినిమాలానే ప్లాన్‌ చేస్తున్నారా?

ఇదిగో సినిమా, అదిగో సినిమా అంటూ చాలా నెలలుగా వాయిదా పడుతున్న సినిమాల్లో తారక్‌ – కొరటాల శివ సినిమా ఒకటి. ఈ సినిమా ఒకటి కాదు, రెండు కాదు ఏకంగా ఏడాది నుండి మాటల్లోనే ఉంది. అంటే సినిమా గురించి చెబుతున్నారు కానీ.. ఎక్కడా ముహూర్తం కానీ, షూటింగ్‌ కానీ జరగడం లేదు. దీంతో అభిమానులు ఈ విషయంలో బాగా హర్ట్‌ అయ్యారు. ఏకంగా నిర్మాతలను, దర్శకుడికి సోషల్‌ మీడియా వేదికగా, నేరుగా కౌంటర్లు వేస్తున్నారు. ఈ విషయంలో తారక్‌ స్వయంగా స్పందించి అభిమానుల్ని శాంతించమని అడిగాడు.

వీటన్నింటికి ఫలితమో, లేక సినిమాకు ఓ భారీ హైప్‌ తీసుకొచ్చే ప్రయత్నమో కానీ.. తారక్‌ సినిమాను భారీ స్థాయిలో ప్రారంభించాలని అనుకుంటున్నారు. సింపుల్‌గా చెప్పాలంటే ఇన్నాళ్ల అభిమానుల నిరీక్షణకు సరైన ముగింపు ఇచ్చేలా తారక్‌ సినిమా ప్రారంభం జరగాలని అనుకుంటున్నారు. ఈ మేరకు భారీ స్థాయిలో ఏర్పాట్లు చేస్తున్నట్లు సమాచారం. ఈ నెల 24న సినిమా ప్రారంభోత్సవం ఉంటుందని, అది అన్ని సినిమాల్లా కాకుండా ఓ ప్రీ రిలీజ్‌ ఈవెంట్‌లా నిర్వహించాలని అనుకుంటున్నారని సమాచారం.

యువ సుధా ఆర్ట్స్, ఎన్టీఆర్ ఆర్ట్స్ సంస్థలు సంయుక్తంగా ఎన్టీఆర్‌ – కొరటాల శివ సినిమాను నిర్మిస్తున్నాయి. ఎన్టీఆర్‌ 30వ సినిమాగా రూపొందుతున్న ఈ చిత్రాన్ని NTR 30 అని అంటున్నారు. అనిరుద్ సంగీతం అందిస్తున్న ఈ సినిమాను పాన్‌ ఇండియా లెవల్‌లో తెరకెక్కిస్తున్నారు. అదే స్థాయిలో విడుదల కూడా కాబోతోంది. ఇందులో హీరోయిన్‌గా జాన్వీ కపూర్ నటిస్తుందని భోగట్టా. అలాగే విలన్‌గా సైఫ్ ఆలీ ఖాన్ నటిస్తారని టాక్‌. సినిమా ఓపెనింగ్‌ రోజు ఈ విషయాలు అధికారికంగా ప్రకటిస్తారని చెబుతున్నారు.

ఈ సినిమా కోసం భారీ స్థాయిలో సెట్టింగ్స్ ఉండనున్నాయట. ఇప్పటికే కొన్ని సెట్లు రెడీ చేశారు అంటున్నారు. ఓ ద్వీపం సెట్‌, సముద్రం, షిప్‌ లాంటివి సిద్ధం చేశారని సమాచారం. వాటిలోనే తొలి షెడ్యూల్‌ ఉంటుందట. మార్చి రెండో వారంలో రెగ్యులర్‌ షూటింగ్‌ అని సమాచారం.

సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?

టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?