సూపర్‌ హిట్ కొట్టిన స్టార్‌ హీరోతో సినిమా అంటే దర్శకుడికి కాస్త టెన్షన్‌ ఉంటుంది. గత సినిమాకు మించిన విజయం ఇవ్వాలి అని లెక్కలేసుకొని సినిమా చేయాలి. ఆ సినిమాకు ఏ మాత్రం తగ్గినా మాటొస్తుందనే భయం ఉంటుంది. అయితే ఫ్లాప్‌ సినిమా పడిన స్టార్‌ హీరోకు తర్వాత చేయాలంటే పైన చెప్పిన భయాలు, ఆలోచనలు, లెక్కలు డబుల్‌, ట్రిపుల్‌, క్వాడ్రపుల్‌ అవుతాయి. ఆ సినిమా పోయింది, ఈ సినిమా కచ్చితంగా కొట్టాలనే మాటలు తెలియని ఒత్తిడిని తీసుకొస్తాయి.
ఇప్పుడు ప్రముఖ దర్శకుడు వంశీ పైడిపల్లి పరిస్థితి ఇదే అని చెప్పొచ్చు. థళపతి విజయ్‌తో వంశీ ఓ సినిమా చేస్తున్న విషయం తెలిసిందే. తమిళ, తెలుగు (?) భాషల్లో రూపొందుతున్న ఈ సినిమా షూటింగ్‌ త్వరలో ప్రారంభమవుతుంది. మొన్నటివరకు వంశీ మైండ్‌సెట్‌, ఇప్పుడు మైండ్‌ సెట్‌లో చాలామార్పులు వచ్చి ఉంటాయని పరిశీలకులు చెబుతున్నారు. కారణం విజయ్ రీసెంట్‌ మూవీ ‘బీస్ట్‌’ ఫలితమే అంటున్నారు. నెల్సన్‌ దిలీప్‌ దర్శకత్వంలో వచ్చిన ‘బీస్ట్‌’ బాక్సాఫీసు దగ్గర బొక్కబోర్లా పడింది.
విజయ్‌కు ఇటీవల కాలంలో దారుణమైన పరాజయం ఇదే అని చెప్పొచ్చు. దీంతో వంశీ కచ్చితంగా హిట్ ఇవ్వాల్సిందే అంటున్నారు విజయ్ అభిమానులు. దిల్ రాజుకు కూడా ఇలాంటి ఒత్తిడే కనిపిస్తోంది. ఆయన తమిళంలో చేస్తున్న తొలి సినిమా కావడం గమనార్హం. వంశీకి కూడా ఇదే ఫస్ట్ తమిళ సినిమా అనుకోండి. దీంతో ఇద్దరి ఫస్ట్ మూవీ ఇలాంటి ఇబ్బందికర పరిస్థితుల్లో ఉంది. ఇక విజయ్ సంగతి చూస్తే.. ఆయన ఎలాంటి పొలిటికల్ ఇంట్రెస్ట్‌లు లేకుండా చేసే సినిమాలు మించి విజయాలు అందుకుంటున్నారు.
కాస్త పర్సనల్‌గా తీసుకొని పాలిటిక్స్‌, ఆ డైలాగ్స్‌ యాడ్‌ చేస్తే సినిమా తేడా కొట్టేస్తోంది. మరిప్పుడు వంశీ సినిమా ఎలా ఉంటుంది అనేది తెలియాలి. వంశీ సినిమా ఒకే జోనర్‌లో ఉంటుందని అంచనా వేయలేం. కాబట్టి ఇప్పుడు ఏ కథ చేస్తారు అనేది చూడాలి. ఏది చేసినా బ్లాక్‌బస్టర్‌ పడాల్సిందే అంటున్నారు అభిమానులు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
Home