భారీ ధర పలికిన కాటమరాయుడు ఓవర్ సీస్ హక్కులు

డాలీ దర్శకత్వంలో పవర్ స్టార్ పవన్ కల్యాణ్ నటిస్తున్న‘కాటమరాయుడు’ సినిమా చిత్రీకరణ చివరి దశకు చేరుకుంది. నార్త్ స్టార్ ఎంటర్ టైన్మెంట్స్ పతాకంపై శరత్ మరార్ నిర్మిస్తున్న ఈ మూవీ థియేటర్ హక్కుల కోసం డిస్ట్రిబ్యూటర్లు పోటీ పడుతున్నారు. కొన్ని రోజుల క్రితం  నైజాం డిస్ట్రిబ్యూషన్ హక్కులను హీరో నితిన్ సొంతం చేసుకున్నారు. తాజాగా ఈ సినిమా ఓవర్ సీస్ రైట్స్ భారీ ధర పలికింది. 11.50 కోట్లు చెల్లించి ఓవర్ సీస్ హక్కులు ఓ సంస్థ సొంతం చేసుకున్నట్లు సమాచారం. సాధారణంగా పవన్ కి ఉన్న క్రేజ్ తో పాటు.. ఈ సారి హార్వార్డ్ వర్సిటీలో పవన్ కళ్యాణ్ ప్రసంగం చూసి చాలా మంది అభిమానులుగా మారినట్లు తెలిసింది.

అందుకే ఆలస్యం లేకుండా నిర్మాత చెప్పిన రేటుకు కొనుగోలు చేసినట్లు ట్రేడ్ వర్గాలు తెలిపాయి.  రాయలసీమ నేపథ్యంలో సాగే ఈ కథలో పవర్ స్టార్ తొలిసారి ఫ్యాక్షన్ లీడర్ గా నటిస్తున్నారు. అయన పక్కన మరోసారి శృతిహాసన్ నటిస్తోంది. అనూప్ రూబెన్స్ సంగీతమందిస్తున్న ఈ సినిమాను ఉగాది కానుకగా మార్చి 24 నరిలీజ్ చేయడానికి శరత్ మరార్ డిసైడ్ అయ్యారు.

Also, do SUBSCRIBE to our YouTube channel to get latest Tollywood updates.