చరణ్ కి అసూయ కలిగించిన హీరోలు ఎవరంటే… !

తెలుగు చిత్ర పరిశ్రమలోని యువ హీరోలందరితో మెగా పవర్‌ స్టార్‌ రామ్‌ చరణ్‌ తేజ్‌కు మంచి స్నేహం ఉంది. మెగాస్టార్ తనయుడిగా కాకుండా ఒక మిత్రుడిలా అందరితో కలిసిపోతారు. ఈగోలను పక్కన పెట్టి మంచి సినిమా చేసిన తన వయసు హీరోలను అభినందిస్తుంటారు. ప్రత్యక్షంగానైనా, పరోక్షంగా నైనా ఇప్పటి వరకు చెర్రీ విమర్శించలేదు. అలాంటి మెగా పవర్ స్టార్ కి తెలుగు సినీ పరిశ్రమలో ఇద్దరు హీరోలంటే చాలా అసూయ అంట. ఈ విషయాన్నీ ఆయనే స్వయంగా చెప్పారు.

చరణ్ నటించిన ధృవ సూపర్ హిట్ అయిన సందర్భంగా ఓ ఛానల్ కి చెర్రీ స్పెషల్ ఇంటర్వ్యూ ఇచ్చారు. అందులో ఈ సంగతిని వెల్లడించారు. “శర్వానంద్‌, నాని కథలను చాలా బాగా ఎంపిక చేసుకుంటుంటారు. ఆ విషయంలో వాళ్లను చూసి కొన్నిసార్లు జెలసీగా ఫీలవుతా. వాళ్లలాగానే నాకూ విభిన్నమైన కథల్లో నటించాలని ఉంటుంది” అని చెర్రీ వివరించారు. చరణ్ చెప్పినట్లుగా టాలీవుడ్ లో డిఫరెంట్ కథలను సెలక్ట్ చేసుకునే హీరోల్లో శర్వానంద్, నాని ముందుంటారు. అందుకే వారిద్దరూ వరుస హిట్లతో దూసుకు పోతున్నారు. వారిని చూస్తే చెర్రీ కే కాదు, ఎంతోమందికి ఈర్ష కలగమానదు.

Also, do SUBSCRIBE to our YouTube channel to get latest Tollywood updates.