“సరైనోడు” సినిమాలో అల్లు అర్జున్ యాక్షన్ & ఫైట్స్ తో సరిసమానంగా ఎలివేట్ అయిన నటుడు ఆది పినిశెట్టి. స్టైలిష్ విలన్ గా ఆది నటన సినిమాకి ఒన్నాఫ్ ది హైలైట్ గా నిలిచింది. అప్పటివరకూ చిన్న సినిమాలతో హీరోగా ప్రూవ్ చేసుకోవడం కోసం పాటుపడుతూ వచ్చిన ఆదికి ఎక్కడలేని స్టార్ డమ్ తెచ్చిపెట్టిన సినిమా అది. ఈ సినిమాలో మనోడి పెర్ఫార్మెన్స్ చూసిన దర్శకులందరూ ఆదిని తమ సినిమాల్లో నెగిటివ్ రోల్ కోసం బ్లాక్ చేసుకోవడం మొదలెట్టారు.
అయితే.. ఎప్పటికైనా హీరోగా పేరు తెచ్చుకోవడమే ఇంపార్టెంట్ అని నమ్మిన ఆది మాత్రం మరీ పెద్ద సినిమాలైతే తప్ప ఒప్పుకోవడం లేదు.అయితే.. అల్లు అర్జున్-సుకుమార్ ల క్రేజీ కాంబినేషన్ లో తెరకెక్కుతున్న మూడో చిత్రం “పుష్ప”లో తొలుత విజయ్ సేతుపతిని నెగిటివ్ రోల్ కోసం అనుకోవడం, ఆయన డేట్స్ అడ్జస్ట్ అవ్వని కారణంగా తప్పుకోవడంతో ఆయన స్థానంలో కొందరు కన్నడ నటుల పేర్లు వినిపించాయి. ఇప్పుడు కొత్తగా ఆది పేరు వినిపిస్తోంది.
ఈ సినిమాలో ఆది పినిశెట్టి కీలకపాత్ర పోషించనున్నాడని గత కొన్ని రోజులుగా అన్నీ మేజర్ వెబ్ సైట్స్ లో వార్తలొచ్చాయి. ఈ విషయమై స్పందించిన ఆది పినిశెట్టి.. ఆ సినిమాలో నటించడం నాకూ ఇష్టమే కానీ.. నన్ను ఎవరూ అప్రోచ్ అవ్వలేదు. ఇప్పుడు నేను హీరోగా రెండు సినిమాలు చేస్తున్నాను, నాకు పుష్పలో నటించే సమయం లేదు అని క్లారిటీ ఇచ్చేశాడు ఆది. మరి బన్నీ-సుకుమార్ విలన్ గా ఎవర్ని సెలక్ట్ చేస్తారు అనేది చూడాలి.
Most Recommended Video
ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!
