Sj Suriya: కథ రెడీ.. పవన్‌ కల్యాణే చెప్పాలి: సూర్య

పవన్‌ కల్యాణ్‌ నుండి ఎన్ని బ్లాక్‌బస్టర్‌లు రావొచ్చు, ఇండస్ట్రీ హిట్‌లు రావొచ్చు, కోట్ల రూపాయల కలెక్షన్లు సాధించి ఉండొచ్చు. అభిమానులకు మాత్రం ఆల్‌టైమ్‌ హిట్ అంటే ‘ఖుషి’ అనే చెప్పాలి. పవన్‌ కల్యాణ్ స్పెషల్‌ ఫిల్మ్ ఇది. ఆ రోజుల్లో ఆ సినిమా ప్లాట్, లుక్‌, యాటిట్యూడ్‌, పాటలు, కథ, యాక్షన్‌ సీక్వెన్స్‌.. ఇలా అన్నీ అదిరిపోయాయి. సినిమాలో ఫ్యాన్‌ మూమెంట్స్‌ చాలానే ఉండటమే ఆ సినిమా అభిమానులకు ఇప్పటికే ఫేవరెట్‌. అయితే ఈ సినిమాకు సీక్వెల్‌కి రెడీ అంటున్నారు దర్శకుడు ఎస్‌.జె.సూర్య.

‘ఖుషి’ లాంటి సినిమా కావాలి.. అని అభిమానులు చాలా రోజుల నుండి పవన్‌ కల్యాణ్‌ని అడుగుతున్నారు. అచ్చంగా ఆ సినిమా మళ్లీ వచ్చినా చూసేంతగా అభిమానులు ఆ సినిమా అభిమానించారు. అయితే పవన్‌ నుండి ఇప్పటివరకు ఈ సినిమా గురించి ఎలాంటి స్పందన రాలేదు. కానీ దర్శకుడు ఎస్‌.జె.సూర్య అయితే సినిమా స్క్రిప్ట్‌ రెడీగా ఉందని, పవన్‌ కల్యాణ్‌ ఎప్పుడు చెబితే అప్పుడు తాను రెడీ అని చెప్పుకొచ్చారు. మరి ‘పులి’ లాంటి డిజాస్టర్‌ తర్వాత ఎస్‌.జె.సూర్యకు పవన్‌ ఛాన్స్‌ ఇస్తారా అనేది చూడాలి.

ఊహించని నిర్ణయాలు తీసుకోవడంలో పవన్‌ లెక్క మామూలుగా ఉండదు. కాబట్టి ఎస్‌.జె.సూర్యకు అవకాశం ఇచ్చినా ఇచ్చేస్తారు. అయితే ‘ఖుషి 2’ అంటూ అంచనాలు అమాంతంగా పెరిగిపోతాయి. వాటిని అందుకోవాలి లేదంటే వాటిని దాటేయాలి కూడా. మరి ఎస్‌.జె.సూర్య ఏం చేస్తారో చూడాలి. అయితే ఇప్పటికిప్పుడు పవన్‌ కొత్త సినిమాలకు గ్రీన్‌ సిగ్నల్‌ ఇచ్చే పరిస్థితి లేదు. దీంతో పవన్‌ కాకుండా వేరే మెగా హీరో ఎవరైనా ఈ సినిమా చేస్తారేమో చూడాలి.

మొన్నీమధ్య ఇదే విషయం వరుణ్‌తేజ్‌, సాయితేజ్‌, వైష్ణవ్‌ తేజ్‌ను అడిగితే.. మేం ఆ సినిమాకు సెట్‌ అవ్వం. పవన్‌ మాత్రమే చేయగలం అన్నారు. సో ‘ఖుషి 2’ చేస్తే పవనే చేయాలి. అప్పటివరకు వెయిట్‌ చేయాలి. అన్నట్లు ఈ విషయంలో రామ్‌చరణ్‌ ఏమన్నా ఆసక్తి చూపిస్తాడేమో చూడాలి.

గాడ్ ఫాదర్ సినిమా రివ్యూ & రేటింగ్!

Most Recommended Video

ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!