Prabhas: ఇదెక్కడి ట్విస్ట్ సామీ అంటున్న ప్రభాస్ ఫాన్స్..!

గ్లోబల్ స్టార్, యంగ్ రెబెల్ స్టార్ ప్రభాస్ హీరో గా నటించిన లేటెస్ట్ చిత్రం ‘సలార్’ షూటింగ్ కార్యక్రమాలు పూర్తి చేసుకొని చాలా రోజులే అయ్యింది. ఇప్పుడు ప్యాచ్ వర్క్ ని జరుపుకుంటున్న ఈ సినిమా ఈ నెల 22 వ తారీఖున ప్రపంచవ్యాప్తంగా అన్నీ ప్రాంతీయ భాషల్లో ఘనంగా విడుదల కాబోతుంది. అడ్వాన్స్ బుకింగ్స్ 15 వ తారీఖు నుండి మొదలు కాబోతున్నాయి. రీసెంట్ గానే ఈ చిత్రానికి సంబంధించిన ట్రైలర్ విడుదల అవ్వగా, ఫ్యాన్స్ మరియు ఆడియన్స్ నుండి ఆశించిన స్థాయిలో రెస్పాన్స్ రాలేదు.

ఎదో ఊహించుకున్నాం కానీ, ట్రైలర్ ఆ రేంజ్ లో అసలు లేదంటూ సోషల్ మీడియా లో కామెంట్స్ చేస్తున్నారు. ట్రైలర్ లో అసలు ప్రభాస్ చాలా తక్కువ నిడివి కనిపించడం తో అభిమానులు బాగా నిరాశ కి గురి అయ్యారు. అంతే కాదు ఎంచుకున్న బ్యాక్ డ్రాప్ కూడా ఆడియన్స్ కి రొటీన్ అనిపించింది.

ఇదంతా పక్కన పెడితే ఈ చిత్రానికి సంబంధించిన మరో లేటెస్ట్ న్యూస్ ఇప్పుడు అభిమానులను తెగ కంగారు పెట్టేస్తుంది. అదేమిటి అంటే ఈ సినిమాలో ప్రభాస్ ఫస్ట్ హాఫ్ లో చాలా తక్కువసేపు మాత్రమే కనిపిస్తాడట. ఆయన ఎంట్రీ చాలా ఆలస్యం గా ఉంటుందని సమాచారం. అంటే ప్రీ ఇంటర్వెల్ సన్నివేశం వరకు ప్రభాస్ ఎంట్రీ ఉండదట. దీంతో అభిమానులు కాస్త భయపడుతున్నారు.

కానీ ప్రభాస్ (Prabhas) ఎంటర్ అయిన తర్వాత నుండి సినిమా మరో లెవెల్ లో ఉంటుందని, కచ్చితంగా ఫ్యాన్స్ కి ప్రభాస్ ఉన్న సన్నివేశాలు మొత్తం గూస్ బంప్స్ రప్పిస్తామని, ఇన్ని రోజులు ఎలాంటి ప్రభాస్ ని చూడాలని అభిమానులు కోరుకున్నారో, అలాంటి ప్రభాస్ ని చూపించారని ఫిలిం నగర్ నుండి అందుతున్న కొన్ని విశ్వసనీయ వర్గాల నుండి అందిన సమాచారం.

యానిమల్ సినిమా రివ్యూ & రేటింగ్!

దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!