పవన్ ఎంట్రీతో చరణ్ వెనక్కు తగ్గుతారా?

2022 సంక్రాంతికి ఆర్ఆర్ఆర్, భీమ్లా నాయక్, రాధేశ్యామ్ సినిమాల మధ్య పోటీ ఉండనుందని జోరుగా ప్రచారం జరిగింది. అయితే ఆర్ఆర్ఆర్ మేకర్స్ రిక్వెస్ట్ వల్ల పవన్ కళ్యాణ్ తను నటించిన భీమ్లా నాయక్ సినిమాను వాయిదా వేసుకున్నారు. ఆ తర్వాత కరోనా కేసులు అంచనాలకు మించి పెరగడంతో ఆర్ఆర్ఆర్, రాధేశ్యామ్ సినిమాలను కూడా వాయిదా వేయడం జరిగింది. ఆర్ఆర్ఆర్ మూవీలో చరణ్ ఒక హీరోగా నటించడం వల్లే పవన్ తన సినిమాను వాయిదా వేసుకున్నారని ప్రచారం జరిగింది.

అయితే బాబాయ్ అబ్బాయ్ మధ్య ఈ ఏడాది పోటీ మిస్సైనా 2023 సంక్రాంతికి మాత్రం పోటీ ఉండే అవకాశం ఉంది. పవన్ హీరోగా క్రిష్ డైరెక్షన్ లో తెరకెక్కుతున్న హరిహర వీరమల్లు వేర్వేరు కారణాల వల్ల ఇప్పటికే పలుమార్లు రిలీజ్ డేట్ ను మార్చుకుంది. దసరాకు ఈ సినిమా విడుదలవుతుందని ఫ్యాన్స్ భావిస్తున్నా పీరియాడికల్ బ్యాక్ డ్రాప్ లో తెరకెక్కుతున్న సినిమా కావడంతో ఈ సినిమా 2023 సంక్రాంతికే విడుదలయ్యే అవకాశాలు కనిపిస్తున్నాయి.

అయితే ఇప్పటికే 2023 సంక్రాంతి కానుకగా తమ సినిమాలను విడుదల చేస్తామని ఆదిపురుష్, చరణ్ శంకర్ మూవీ మేకర్స్ ఇప్పటికే ప్రకటించారు. అధికారికంగా హరిహర వీరమల్లు సంక్రాంతి రేసులో చేరితే మాత్రం బాబాయ్ కోసం చరణ్ తగ్గే ఛాన్స్ కూడా ఉందని కామెంట్లు వినిపిస్తున్నాయి. హరిహర వీరమల్లు, చరణ్ శంకర్ కాంబో మూవీ, ఆదిపురుష్ సినిమాలు భారీ బడ్జెట్లతో తెరకెక్కాయనే సంగతి తెలిసిందే.

ఒకవేళ ఈ మూడు సినిమాలు బాక్సాఫీస్ వద్ద పోటీ పడితే నెగిటివ్ టాక్ వచ్చిన సినిమా బాక్సాఫీస్ వద్ద నష్టపోయే అవకాశాలు ఎక్కువగా ఉంటాయి. 2023 సంక్రాంతికి పెద్ద సినిమాల మధ్య పోటీ రసవత్తరంగా ఉండనుందని తెలుస్తోంది. ఈ సినిమాల పోటీలో ఏ సినిమా పై చేయి సాధిస్తుందో చూడాల్సి ఉంది. అభిమానులు మాత్రం పండుగ సీజన్లలో ఎన్ని పెద్ద సినిమాలు విడుదలైనా ఆ సినిమాలన్నీ విజయం సాధించాలని కోరుకుంటున్నారు.