యూట్యూబ్లో ‘కె.జి.ఎఫ్2’ టీజర్ రికార్డుల మీద రికార్డులు నమోదు చేస్తుంది. ‘కె.జి.ఎఫ్ చాప్టర్1’ చిత్రం పాన్ ఇండియా లెవెల్లో సూపర్ హిట్ అవ్వడం వల్ల ‘కె.జి.ఎఫ్2’ పై భారీ అంచనాలు నెలకొన్న సంగతి తెలిసిందే. అయితే తాజాగా విడుదలైన ‘కె.జి.ఎఫ్2’ టీజర్ ఆ అంచనాలను డబుల్ చేసిందనే చెప్పాలి. హీరో యష్ పుట్టినరోజు సందర్భంగా ఈరోజు(జనవరి 8న) కె.జి.ఎఫ్2 టీజర్ ను విడుదల చెయ్యాలి అనుకున్నారు. కానీ ఎవ్వరూ ఊహించని విధంగా ఆ టీజర్ లీక్ అయ్యింది.
దాంతో వెంటనే చిత్ర యూనిట్ సభ్యులు అధికారికంగా టీజర్ ను విడుదల చేసేసారు. ఇదిలా ఉండగా ఈరోజు.. హీరో యష్ పుట్టినరోజు కావడంతో సోషల్ మీడియాలో అతనికి బర్త్ డే విషెస్ చెబుతూ సందడి చేస్తున్నారు ఆయన అభిమానులు. ఇదిలా ఉండగా.. యష్ అసలు పేరు నవీన్ కుమార్ గౌడ్ అన్న సంగతి అందరికీ తెలిసిందే. అయితే ఇతని భార్య రాధిక పండిట్ కూడా ఓ హీరోయినే అన్న సంగతి చాలా మందికి తెలిసి ఉండదు. నిజానికి ఆమె నటించిన ‘మోగ్గినా మనసు’ చిత్రంతో కన్నడ సినీ రంగ ప్రవేశం చేశాడు యష్.
ఆ చిత్రం టైములోనే యష్ కు రాధిక పరిచయం అయ్యింది. కొన్నాళ్ళు డేటింగ్ చేసిన తరువాత వీరిద్దరూ పెళ్లి చేసుకున్నారు. 2016లో వీరి వివాహం జరిగింది. వీరిద్దరికీ ఇద్దరు పిల్లలు. ఒకరు కూతురు ఐరా కాగా మరొకరు కొడుకు యతర్వ్ కావడం విశేషం. యష్ తో పెళ్ళైన తరువాత రాధికా పండిట్ సినిమాలకు దూరంగా ఉంటూ వస్తోంది.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
