మెగాస్టార్ చిరంజీవి నటిస్తున్న ఆచార్య సినిమా షూటింగ్ అతి త్వరలో పూర్తి కానుంది. ఈ సినిమా పూర్తైన తరువాత చిరంజీవి లూసిఫర్ రీమేక్ లో నటించనున్నారు. మోహన్ రాజా ఇప్పటికే స్క్రిప్ట్ పనులు పూర్తి చేయగా ప్రస్తుతం నటీనటుల ఎంపిక ప్రక్రియ జరగనుందని తెలుస్తోంది. మలయాళంలో లూసిఫర్ సినిమా బ్లాక్ బస్టర్ హిట్ కాగా తెలుగు నేటివిటీకి తగిన విధంగా ఈ సినిమా స్క్రిప్ట్ లో మార్పులు చేశారు.
ఈ సినిమాలో హీరోయిన్ పాత్ర కూడా ఉంటుందని వార్తలు వస్తుండగా ఆ పాత్రకు ఎవరు ఫైనలైజ్ అవుతారో తెలియాల్సి ఉంది. అయితే ఆచార్య సినిమాలో ఉన్న విధంగానే లూసిఫర్ సినిమాలో కూడా భారీ టెంపుల్ సెట్స్ కనిపిస్తాయని తెలుస్తోంది. ఇప్పటికే ఈ సినిమా పూజా కార్యక్రమం జరగగా షూటింగ్ ఎప్పుడు మొదలవుతుందో తెలియాల్సి ఉంది. ఈ సినిమాకు సంబంధించిన మ్యూజికల్ వర్క్స్ కూడా ఇప్పటికే మొదలయ్యాయి. రీఎంట్రీలో వరుస విజయాలతో జోరుమీదున్న మెగాస్టార్ చిరంజీవి కెరీర్ ను చక్కగా ప్లాన్ చేసుకుంటున్నారు.
ఈ సినిమా తరువాత మెహర్ రమేష్ డైరెక్షన్ లో వేదాళం రీమేక్ లో చిరంజీవి నటించనున్నారు. ఈ సినిమాలతో పాటు చిరంజీవి బాబీ డైరెక్షన్ లో ఒక సినిమాలో నటించనున్న సంగతి తెలిసిందే. చిరంజీవి భవిష్యత్తు సినిమాలు భారీ బడ్జెట్ సినిమాలు అని ఇండస్ట్రీ వర్గాల్లో వినిపిస్తోంది. చిరంజీవి ఆరు పదుల వయస్సులో కూడా వరుసగా సినిమాల్లో నటిస్తుండటం గమనార్హం.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
