కరోనా సెకండ్‌ వేవ్‌ బ్రేక్ తర్వాత చిరంజీవి జోరు చూపించడానికి సిద్ధమవుతున్నాడు. ఇటీవల ‘ఆచార్య’ టాకీ పనులు పూర్తి చేసుకొని పాటలు బ్యాలెన్స్‌లో ఉంచాడు. మరోవైపు మరో వైపు తర్వాత సినిమాలు పట్టాలెక్కించడానికి రెడీ అవుతున్నాడు. ముందుగా ‘లూసిఫర్‌’ రీమేక్‌ మొదలవుతుంది. అయితే ఆ తర్వాత సినిమా ఏంటనేది కన్‌ఫ్యూజన్‌ తేలడం లేదు. కారణం ‘వేదాళం’ రీమేక్‌, బాబీ సినిమాల ప్రీ ప్రొడక్షన్‌ పనులు వేగంగా సాగుతుండటమే.
‘లూసిఫర్‌’ సినిమా పూర్తయ్యాక చిరంజీవి మిగిలిన సినిమాల్లో ఒకటి ప్రారంభిస్తారని చాలా రోజుల నుండి వార్తలొస్తున్నాయి. అయితే ఆ సినిమా ఆఖరులో తర్వాతి సినిమా ప్రారంభించేస్తారని ఇప్పుడు చెబుతున్నారు. దీంతో ఇటు మెహర్‌ రమేశ్‌, అటు బాబీ ప్రీ ప్రొడక్షన్‌ పనులు స్పీడప్‌ చేశారు. ఈ క్రమంలో ‘వేదాళం’ రీమేక్‌లో ఓ కీలక పాత్ర అయిన హీరో సిస్టర్‌ క్యారెక్టర్‌కు నటి ఎంపిక పూర్తి చేశారట.
‘మహానటి’తో నటనకు ప్రాధాన్యమున్న పాత్రల్లోనూ మెప్పించగలను అని నిరూపించుకున్న కీర్తి సురేశ్‌ను ఈ సినిమా కోసం తీసుకుంటున్నారట. ఈ పాత్ర కోసం చాలా మంది నాయికల్ని పరిశీలించినా… ఆఖరికి కీర్తి సురేశ్‌ ఓకే అయ్యిందట. అంతకుముందు సాయిపల్లవి పేరు కూడా ఇలానే ఫైనల్ అన్నారు కానీ ఓకే అవ్వలేదు. ఇప్పుడు కీర్తి సురేశ్‌ విషయం ఏమవుతుందో చూడాలి.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
